O Roma: Te shaj te dzivdinelpe jek skromno dzivdipa bizo dertija, kamlape amengje taro 300 dzi ko 500 evroja prihodija ko chon!!!

PRIIHOD

O Roma si skoro sarine skepticharija kaj o Romane familije kola so dzivdinena ki R.Makedonija nekana ka shajsaren te resen dzi ko jek dzivdipa kova so ki oleste nane te ovel len nisave dertija, sekiracije thaj nasvalipa.

Skepticharija si odoleske soske na pakjana kaj nekana o Romane familije shaj te resen dzi ko shukar choneskoro prihod so ka anel rahatluko basho olengere dertija thaj gndina sar te phanden agor agoreja sekova chon.

Te shaj odova te ovel agjar, thaj o Roma te aven dzi ko jek iron dzivdipa bizo pobare sekiracije sar te arkhen strestvija basho pire choneskere hardzina, o Roma gndinena kaj hemhari tari sekoja jek familija kamlape te keren buti po 2 dzene.

Ako kerena duj dzene buti ki jek familija, thaj ako resena dzi ko prihodija taro 300 dzi ko 500 evroja thaj si familija kola so isila hembut dzi ko 5 dzene, tegani e Romengje ka lokharkerelpe olengoro dzivdipa thaj ikljoviba ko agor sekova chon e lovencar so denalen basho pire hardzina.

 

O gndipa si kaj kamlape amengje hemhari dzi ko 500 evroja jali 30 mile denarija prihodija ko chon te shaj te uchara sa amare rashodija ko sekova chon thaj mate ovel amen nisavo derti sar ka ikjova ko agor e choneskoro, o realiteti si kaj diso asavko shajsarena peske but tikno numero taro o Romane familije barem ko Shuto Orizari.

Pobuter taro 70% si socijalno chipote thaj dzivdinena tari socijalno arka koja so legarela hembut dzi ko 3000 denarija, a ako kergjape esapi, ko chon 3000 denarija hardzinenape salde basho o esapina strujake thaj pajbeske.

So znachinela kaj but Romane familije jali achona bizo struja so na pukinenala, jali pukinenala numa ko than ko dive te han po 3 drom, hana po 1 drom thaj odova buti tikno kvalitetno hajbe.

Ko than te muken pire chaven ko siklane, baro numero si chivde te kulandinen pire chaven sar strestvija kola so anena lengje love.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha