O Roma: Te ova humana thaj te da arka e Romane familijen kola so thabile olengere khera!!!

POZAR 2

Basho salde jek chon, t.e. ko chon januari 2016 bersh, ki teritorija e R.Makedonijakiri iklile jaga ko 4 Romane familijengere khera.

Taro odola 4, 2 iklile ki teritorija e Komunakiri Shuto Orizari, kolendar so o dujto thabilo angleder salde duj divesa.

Odova sebepi avdive puchelm e Rome dali kamlape te delpe arka e Romane kherengje ki Shutka kola so basho kratko vakti thabile ki akaja komuna.

But taro o Roma, hem okola so kergje lafi a hem okola so ladzana te ikljovnen anglo kamere, andinena kaj akana kamlape but pobuter taro bilo kana te ushta taro sojbe e ramnoileskoro thaj te phabara o signali e humanitarno kotorengoro ki amende, thaj ko than te da amare love ko turli zabave, o love te dalen basho akala opozarime Romane familije.

O dujto kher so thabilo ko Shuto Orizari pobuter tinankergja e Romane familijen thaj ola apelirinena koj sar shaj, dali lovencar, dali hajbaja, dali heencar thaj kebencar ili amare bukjarne takateja te ikljova hem te sikava kaj amen sijam nacija koja so arakhlovaja jek javereske ko asavke phare dakikija.

 

Te ovelpe humano thaj te delpe arka e Romane familijen so achile ko akava chon bizo pe khera si inicijativa koja so i televizija Shutel shurakergjala panda taro avgo dive akale neve bersheskoro.

Tegani thabile o odaje e Romane familijengere taro Nervno Oddelenie ko Shtip, pogechi iklilo pozar ko Romane familije ko Drachevo kote so sine thaj kurbanija te shaj pogechi te ikljovel jag ko kher e Romane familijakoro taro drom Pelagonija nu.52.

Ko sa akala chipote amen prekal amare emisije thaj ankete vazdaja tumari gnd bashi te oven humana thaj te den arka e Romane familijengje.

Odoleske akharajatumen, e Romen tari Evropa thaj tari Makedonija te ova humana panda jek drom, akava drom e 4to thare khereske ki komuna Shuto Orizari ko drom Brsjachka buna.

Te da len arka soske ola adzikerena i arka amendar.

Te dza palo drom e shukar manushengoro thaj te da arka, soske odoja arka taisa ka kamlape nekoj amengeda te denla.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha