O Roma taro Shtip revoltirime sebepi o hariba e socijalno arkakoro !

socijalno

Harinela o ulaviba e socijalno arkakoro. O Roma kola so lena socijalno arka si revoltirime, odoleske soske olengeer jerilukija kola so si ko agor e egzistencijakoro, ko akala dakikija nakhena trujal o hemphare divesa.

Basho o Roma thaj o javera dizutne taro Shtip thaj polungo ki Rashtra nane lenge dende o love tari socijalno arka basho o chon noemvri. Vakerena kaj bizo phago dinari ki dzepa nakhavgje o nevebersheskere bidjukija.

O dizutne Roma taro drom “Radanski pat” ko Shtip, kolendar so o hembaro kotor si kulanduvachija e socijalno arkakoro, vakerena kaj te shaj te achoven dzivde ko akava pharo chane e dzivdipaskoro, jekhutno chane si olenge te bikinen po disavi bala taro plastikakere flashe.

Taro ministeriumi basho trud thaj socijalno politika dena haberi kaj o ispukiniba e socijalno arkakoro thaj e arakhnakoro taro trito dzeno, harinela sebepi o nevjakeriba e dokumentengoro, standardno procedura koja so si voobichaeno basho akava vakti tro bersh.

Sar so ka ovel agorkerdi i nevjakerin ko olengeer dokumentija, o love ka pashlon ki esapin e Romane kulanduvachengiri, numa dzikote odova te ovel, o Roma avena ko sa pophare thaj pophare dakikija akale phare zamaneskere dzivdipaskere bizo jek phago dinari ki dzepa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha