O Roma taro Kosovo – Nashutne kola so ki amari phuv achile 17 bersha !!!

romi geto

Ki Makedonija sapanda isi nashutne taro Kosovo kola so nashle ki amende taro o bombardiriba e NATOskoro ki teganeskiri SR Jugoslavija ko 1999 bersh. Angleder o bombe so chudingjepe taro 24to mart dzi ko 1to juni ki Makedonija nashle upreder taro 300 mile dizutne taro Kosovo, sherutneste Albancija, numa sine thaj Roma, Srbinija, boshnakija thaj javera. Kana achilo o bombardiriba, pobuter raselime, generalno etnikane Albancija, irangjepe kop e khera, a ko agor taro o 1999 bersh, statuseja e jekhevakteskere arakhinaja ki Makedonija, achile trujal 8000 dzene nashutne, sherutneste Roma taro Kosovo.

Baro kotor taro odova numero, 728 dzene, sapanda si nashutne taro o maribe ko Kosovo, kova so agorkergja angleder 17 bersha. Ko mashkarvakti tari SRJ Jugoslavija bijandile trin rashtre, sine mariba thaj ki Makedonija, e andrune raselime dzenencar… O Kosovo taro 2008 bersh ovela biethinali rashtra, priznaimi taro o rashtre e Evropakere, pire kanuneskere instituciencar, kola so dziakana thaj na kergje nesave bare zorije te shaj te pheden pire Romen kola so nashle ko vakti e meribaskoro ko javera phuvja. Ko Kosovo irangjepe o nashutne Albancija, numa salde ola, a na thaj sa o Roma.

Kana kerena lafi basho o vakti e bombardiribaskoro ko Kosovo, o Romane familije nanelen shukar gndina. Vakerena kaj sar roma sakana sine marde thaj maltretirime taro Albancija! Dziakana ola sapanda si akate, i R.Makedonija delalen lovengiri socijalno arka, a plus o ministeriumi basho trud thaj socijalno bukja delalen po 7 mile denairija ko chon basho domuiba. O Shuto Orizari si o than kote so ola hembut dzivdinen, a na o nashutnengere kampija. Ki Makedonija isilen sastipaskiri arakhin, nekola isilen shajdipe te keren buti, o chave dzana ki siklana.

Akoda isi shukar bapija, basho o sasto vakti i Makedonija taro evropakere institucie basho manushikane hakija sakana lena ostra kritike kaj na kerela khanchi bashi i integracija e Romengiri nashutne taro Kosovo, isto sar so lena bizogndipaskere thaj bibisteribaskere kritike basho o kampija ko Stenkovac kolencar so shurakergja akaja Romengiri nashutnengiri paramis.

O kritike dzi ki Makedonija sine ko drom kaj mukle e nashutnen Roma taro Kosovo bizo jasno lungovakteskere perspective bashi olengiri lokalno integracija, bizo soodvetna avina dzi ko fundamentalno manushikane nijamija, ekonomijakere thaj socijalno! Thaj ko agor, dzikote o Kosovo na gndinela basho pire Roma tegani i Makedonija basho akala 17 bersha basho sakana si dendi ki gnd kaj si zaruri te oven arakhle halovina thaj te kerenpe sakanaskere halovina basho o nashutne Roma taro Kosovo kola so namangena te iranenpe napalal.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha