O Roma taro Delchevo palo 28to drom khedingjepe ki Romengiri rat

ROMSKA VECER

Irangjape i Romani rat ko Delchevo. I tradicija koja so kerelape veke 38 bersha, o bersh palem ushtili upreder o sekolediveskere problemija e Romengere ko Delchevo, upreder o ulaviba mashkar o Roma, ko agor taro 90ta bersha koja so ulavin zakaninelape sine te chinavel i tradicija koja so prekal ki gili thaj ko kheliba slavinelape sine o mashkardzivdipa ko Delchevo.

– O inportantnost si buti ednostavno, te ava ko jek than sarine thaj te druzinaamen. Dzanaja kaj isi but bare problemija, numa shukar si so i tradicija dzala thaj poodori te kerelpe, vakerga o Ruzdi Arifovski.

O rajo Ruzdi lela than thaj ki organizacija e avgo Romane rakjakoro koja so ikergjape ko 78to bersh. Numa, i Romani rat sine popularno thaj basho o Makedoncija kola so sine nichale misafirija.

– Nekote trujal 70% sine Roma, a o javera sine gadze. Ola sakana avena sine ki amari Romani rat bare apetiteja, odoja sine jek but bari turkanica, jek bari guzva, sinejamen shukar programa thaj misafirija tari estrada, vakerela o Arifovski. Ko Delchevo dzivdinena trujal 1080 Roma, jali 297 jerilukija, numa olendar pobuter taro 84 jerilukija jali 357 Roma ilile ki rotarin trujal o sumnal.

– 63% taro o Roma si herbapija bukjake, numa salde 11% si ki buti, a 33% si bizibuti, a 68 jerilukija lena socijalno arka, vakerga o Elvis Kovachev, o organizatori e Romane rakjakoro.

Kozom da te oven bitakatlime akala numerija, sapanda, o Roma ko Delchevo si palem uporna ko mariba pe basho piro than ko sasuitnipa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha