O Roma taro Bugarijakoro Shumen ko Cirih ikergje koncerti telal ki pravdi havaja!!!

CIRIH

O Roma taro Bugarijakoro Shumen ko Cirih ikergje koncerti telal ki pravdi havaja!!! O hramomo dikhlo materiali, kote so dikhelape sar akava naoficialno Romano orkestro taro Shumen vazdela bari pozitivno atmosfera pire muzikaja ko centro e Viriheskoro – Shvajcarija, sikavgjale i Bugarka Nadez Asenov.

Oj ko sikaviba akale materialeskoro kote so o Romano naoficialno orkestro ko Cirih ko pravdo organizirngja piro konceri hramongja: “Neka ovel tumengje bahtalo o avfo dive taro angledernilaj – Prilet”.

Ko Cirih akaja bari muzikakiri pleada angja o bugarijakoro shmekt pali muzika koja so hembut neguinelape ko Shumen. O dzene so lele than ki akaja chipota akharena sine ko hango: Bijav ovela ko centro e Ciriheskoro, Hopaaa!

O materiali sikavela kaj o Shvajcarcija nasinelen khanchi mujal olengiri orientalno muzika, odoleske soske kana shurakergja i muzika but dizutne e Ciriheskere khedingjepe trujal o Romano mendi tari Bugarija. Trin dzuvlja, hembut pakjalape Bugarke, shurakergje te khelen oro ki olengiri muzika, a akoda i muzika ni hari na sine folklorno. Khelgje thaj ripingje e Romane bendeja thaj agar dodzakergje o avgo dive e angledernilaeskoro ko akava bersh.

Palo tikno vakti but taro o Ciriheskere dizutne shurakrgje te chingaren kaj kerelape lafi bashi chalgija thaj bare chalipaja ko oro e trine chajencar chuvgjepe panda but baro numero taro o javera dizutne kola so achile te shunen o bashalipa akale Romane naoficialno bendeskoro.

Hem o pokale hem o poparne Shvajcarcija sapanda ko shukar chane khelgje thaj te shaj te sikaven piro chalipe dzi ko akava Romano bendi thaj olada olengje te bahtaren o avgo dive e angledernilaeskoro, mukle baro legariba taro o love so o Romano bendi rodingjlen lendar prekal chijbe piro kuferi ko akava pravo koncerti ko centro e dizjakoro Cirih.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha