O Roma tari Moldavija isilen piri prestolnina, pa chak isilen thaj piro thagar !

SOROCA

I diz Soroca ki Moldavija, o Roma tari akaja rashtra sikavenale ko sumnal sar Romani prestolnina, a olakiri arhitektura chachipnaske si interesno. O diznte Roma tari Soroca isimen thaaj piro thagar, thaj isilen hembizarno khera.

I Diz Soroca sakosa sluchajno uli jek taro o hemnaobichna turistikane atrakcije ko sumnal, thaj odova shukrakerinaja e bizarnosteskoro, o kich thaj I megalomsko arhitektura kola so si inspiririme taro o hempendjarde arhitektonsko sikavina sar so si I bazilika Sv. Petar jali palem o beshlariba e amrikakere kongreseskoro Kapitol Hil.

Numa sa odola sikavina nane ni nacelarija ni palem bukjarne thana. Odola sikade khera si jerilukoskere khera basho dzivdipa kote so olengere sahibije Roma dikhibaskoro si kaj isilen salde pobuter love thaj khanchi javer. O dizutne Roma ki Soroca, Moldavija, isilen thaj piro Romano thagar. Oleskoro anav si Artur Baron Ceraci, a ov si sherutno ki lokalno legarin. Trujal odova ov si thaj konsilmeni e prezidenteskoro ki Moldavija basho o Romane puchina.

O thagar Artur isto agar bashalela ko pobuter muzikakere instrumentija thaj kerela lafi ko 8 sumanleskere chibja.

Taro poangle lungo ovela I fama kaj I titular thagar e Romengoro si sar tradicija numa o Cerari isile thaj piro sikaviba bashi odoja titular, thaj korkori pes anavkergjape sar thagar, odoleske soske ov si thaj odicijalno sikavutno e Romengoro tari Moldavija thaj kotor taro o Roma tari Romanija.

Dzikote puchenatumen kotar odoborom love basho o dizutne Roma tari Soroca, basho keriba asavke kherengoro, ola vakerena kaj odola si love kola so bishalenalen lengje olengere jerije kola so kerena buti ko duripe, thaj bashi lengje o korkori sikaviba si kaj dzikote kerena asavke shukar khera odova sikavelape olengje sar olengoro hembaro resariba.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha