O Roma tari kupatni Kakan ki BiH – Dzivdipa ko sakosa mizerna shartija

ROMI BEZ DOM

Ko kakansko Vardi, i hembari Romani kupatni ki Bosna thaj HErcegovina, ko phare shartija thaj bizo o zarureskere sredstvija djivdinena 3.000 Roma.

O Roma ki akaja kupatni djivdinena ko nashukar shartija. Na hardjinena elektrikani energija soske si skupo pukinibaske, na mukena o bojleri, numa takarena pani ko kazane kova so takarenale ko shporeti kashtengoro. Numa odova so si kulandibaskoro si so i rashtra dengjalen po 40 kvadratno metrengoro stani kola so lele len taro o komunakere legarina.

– Na smejnava te hardjinav khanci pobuter struja taro 20 evroja. Mo dat lela 20 evroja penzija, vakerela jek Romani djuvli koja so lela stani taro dizjakere legarina. O pani ni na pukinajale odoleske soske naneamen kotar te la love. Thaj vakeren mangje sar te djivdina ko akala 4 duvarija kola so lelamlen bizo pare, rovenape o Roma kola so nekana djivdinena sine ko phagerde khera.

O nakhlo bersh i komuna ulavgja 12 stanija, kola so si, specijalno kerde basho o zarurina e Romengere tari kupatni Kakan ki Bosna thaj Hercegovina, kola so si kerde arkaha tari trashtra thaj o dizjakere legarina. Pogjechi kergjape thaj panda jek zgrada basho 4 familije, a angleder salde nekozom chona shurakergja te kerelpe o nevo objekti kova so ka ovel sar zgrada basho 8 Romane familije, so sikavelape kaj i rashtra thaj o dizjakere legarina sikavena sens te shaj te poshukar keren i chipota e Romane djivdipaskiri.

O legarina agaar kerena zorija te haljoven o problemi e sakanaskere domuibaskoro e Romane jekhinakoro tari Bosna thaj Hercegovina, kova so piro retko lenale o javera rashtre. Pulisarelape kaj ki kakansko kupatni djivdinena hemhari 3.000 Roma thaj skoro sarine si ko Vardi, kupatni koja so arakhlovela ko 5 dakikija taro o centro e dizjakoro.

O legarina isto agaar kerena zorija te shaj taro odola phagerde khera ki olengiri kupatni te chiven len ko stanija kola so chachipnaske si tikne, numa isilen poshukar shartija. Sapanda achovela uzal o stanija e Romen te ovel len thaj poshukar ekonomijakoro stani sar te shaj sakosa te oven integririme ko jekajek vakteskoro djivdipa e sasuitnipaskoro ki Bosna thaj Hercegovina.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha