O Roma rovenape: Love naneamen a o esapina bashi struja si but uche !!!

ka evn

O Roma tari komuna Shuto Orizari hembutpakjalape kaj o hembaro problemi so isilen ko piro dzivdipa si o uche moldije so resena lengje sekova chon te pukinenpe bashi i hardzimi elektrikani energija.

Vakerena kaj ako nekana avena sine dosta harne moldije basho te pukinen i struja, akana sar so o saatija olengere si avrial taro olengere khere, avena lengje te pukinen astronomsko uche sume bashi strija.

Okola so kerena disavo biznis jali kola so lena penzije nesar snadzinenape te pukinen o uche esapina, numa okola kola so dzivdinena salde taro jek socijalno ola but drom achovena te dzivdinen ko karanluko, odoleske soske but angleder olendar si chinavdi i elektrikani energija sebepi so na pukinengje o uchhe esapina.

Kana bi o esapina ovena poeftina, thaj kana bi ovena odoborom eftina so nane te ovel teret e Romengje, hembut pakjalape kaj o Roma ka frden jek baro derti taro pire dume.

Spremal o lafija e Romengjere pobuter tato 50% taro o Romane familije dzivdinena ko karanluko, oodleske soske nasinelen love te pukinen i esapin thaj odova sebepi chinavdi si lendar i elektrikani energija.

Sebepi akava baro problemi kova so isilen o Roma, koj e uche esapinencar a koj e dugoncar dzi ki EVN Makedonija, o Roma apelirinena dzi ko nadlezna te reagirinen te shaj o esapina te oven poeftina a o dugija te shaj te pukinenlen dzi ki EVN Makedonija ko pobuter rate.

Ako kerelape mujal akava tegani bute Romane familijen ka adzikerel len i jazija o raklja te nakhavenlen telal ko momolja.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha