O Roma: Okolen so nanelen kashta o tate vaktija si olenge shukar ale!!!

SONCE

O divesa musaj te vakera kaj sijam svedokija kaj ko mashkar e choneskoro fevruari isiamen vakteskere temperature kola so si voobicahjna basho vakti e angledernilaeskere chonengoro.

Akava so desinelape e vakteja, te shaj ko chon fevruari te ovel tate temperature dzi ko 24 digrija si haus ko vakteskere shartija kana potamameste ola bi kamlape te ovene teleder o zero.

Numa basho buti Roma, akava si shukar alo. O asavko tato vakti dikhlo khameja o Roma bi molinena e delve basho sakana te achovel agaar.

Akoda dzanolape kaj o tate vaktija ko evendaskere shartija anena nasvalipa, o Roma sapanda vakerena kaj o kham kozom tei kurtarinelalen tari gnd sar te takjaren pire khera ko evendaskere vaktija.

Dzanindor kaj o kashta si but uche moldijaja o Roma vakerena kaj akava si pobuter taro shukar alo olengje, odoleske soske isi but chorole socijalno zagrozime familije kola so odamna achile bizo kashta.

 

Uzal odola so raduinenape e khameske, odoleske soske akana na kamlpe lengje te tharen jaga thaj kashta, isi thaj asavke Roma kola so nane chale taro akala tate vaktija ko chon fevruari.

Ola vakerena kaj bash akala tate vaktija anena baro numero taro gripeskere thaj virusno nasvalipa.

Sebepi o khama ko akala evendaskere vaktija, vakerena o Roma, o nichija ko saslarutne thaj ko apteke ovena sa po bare.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha