O Roma: O chon Mart sakana si badalo thaj brshimalo, anela baro nasvalipa thaj gripija !!!

gripi

Avdive e Romencar tari komuna Shuto Orizari mangljam te kera lafi basho o vaktija kola so si bikhle bare baralipaja ko akava chon mart thaj sar odova khelela khelin upral olengoro sastipa.

Sarine, hem okola so kergje lafi a hem okola so ladzandile te ikljoven angli amari kamera, vakerena kaj baro numero taro o Romane familije si nasvale taro gripija, vogeskere virusija, duk ko shero thaj hronichna nasvalipna kori o pophure sebepi o baro badalipa thaj nastabilno vaktija ko chon koleste so rakhlovaja.

Vakerena kaj bash sebepi odova bajrovena thaj o nichija ko saslarutne, hospitalija thaj farmacie taro o nasvale dizutne chivindor thaj e Romen.

Hembut so rovenape o Roma si taro o gripija ko nak ko krlo thaj o bitakatlipa ko sasto olengoro badani.

 

Isi asavke so kana dikhena kaj uklelane o nasvalipa odma dzana ko saslrtune te shaj te oven dikhlarde thaj te hramonelpe lenge o zarureskere medikamentija, numa isi pobuter taro okola kola so korkori kop o shero pherena o nichija ko farmacije thaj kinenapeske disave preventivno ilacija sar so si tajlet hot, ferveks, andolija, analginija thaj agar naodori, bizo angleder odova te ovel lengje hramomo taro saslarutne.

O pobaro kotor taro o Roma kerena akava, numa isi asavko kotor kova so dela konsili te shaj ma te kinenpe hapija jali medikamentija korkori ki amari mangjin, numa salde so ka dikhelpe kaj hari astarela e manushe o nasvalipa, odma te javinelpe ko saslarutne thaj agar te ovel lengje hramomeme medikamentija jekaje olengere nasvalipaja.

O Roma dena konsili mate ikljolpe but avrial odoleske soske ki havaja akana isi but bakterija, mate mukenpe o chave but vakti ko phanle thana dzenencar soj veke nasvale odoleske soske akava virusno nasvalipa si but lokheste prelengaribaskoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha