O Roma kamlape te integririnenpe ko amalipa trujal edukacija thaj bukjardarnipa

нецо 2

Ki Hrvatija ki diz Zagreb o divesa ikergjape Mashkardzijaneskiri konferencija kolakiri so tema sine I chipota e Romengiri ko regioni kote so sine sikavde thaj analizirime o problemija e Romengere tari Makedonija thaj tari Bosna thaj Hercegovina. Ki konferencija lele baro numero taro zagrebeskere Roma. Ki publika paluneste piro gndipa sikavgjele o terne generacije taro Roma.

I konferencija organiziringjapa o Romano nacionalno minioritetengoro centro ki Diz Zagreb ki mashkarbutikerin e dizjakere strukturencar. Ko anav e dizjakeresherutneskoro ki diz Zagreb Milan Bandich I konferencija prevgjala oleskiri vice sikavutni Jelena Ravichic Vukichevich, koja so andingja kaj I diz Zagreb trujal hemime programe kerela buti basho o Roma tghaj isila shukar mashkarbutikerin olengere sikavutnencar. E Romen tari Makedonija prezentiringjalen o Nezdet Mustafa, a tari BiH o Mehmet Mujich. Ola sikavgje kaj e Romen sekote isilen o istono problemija, ola si socijalno ki gajla bitakatlimi si olengiri edukacija, ola si bizo buti thaj nanelen halovdo piro kherengoro problemi, thaj odova sebepi o Roma phareste integririnenape ko sasuitnipa. O Rajo Nezdet Mustafa ki konferencija vakerela kaj paluno paziba kamlape te chivelpe ki zarurin te kerelpe buti upral o etnikano identiteti e Romengoro.

Jek taro olengere akcije ka ovel te delpe buti basho 30-40 Romajna sar arakhutne phure dzenengere Roma, dzikote javer si bukajrdarnipa Romengoro taro 44 bershengoro baripe, a o plani basho akava bukjardarnipa shurakerela taro 2018 bersh.
Ki konferencija, sem o rajo Nezdet Mustafa, than lela thaj I Elizabet Knorr, arkakiri dzejni ko Kotor bashi promocija e manushikane nijamengoro, o Dushan M

I Marija Halich sikavuni garo Regionalno ured ko ZAgrebeskoro Grvatijakoro zavodi basho bukajrdarnipa, sikavgja kaj odoja institucija na legarela evidencija palo nacionaliteti, numa kaj o nakhlo bersh prijavingja 4150 Romane dzuvlja, thaj panda 440 Roma kola so rodingje buti.

I diz Zagreb integririnela e Romen panda taro hemjavinakere chavorikane bersha ko chavorikane angledersikljovnakere ustanov thaj thaj dejbajalen stipendija dela takati ko olengoro educiriba. I Katarin Milkovich, arkakiri dzejni ko Dizjakoro ured bashi edukacija, kultura, sport, sikavgja kaj stipendirime si 50 Romane sikle taro mashkarune siklane, a nudime si thaj 10 stipendie basho o Romane studienja, numa olendar havingjepe salde 5.

I konferencija kolate sar sikavutno e Romengoro tari Makedonija sine o Rajo Nezdet Mustafa, panda dikhlala thaj I Ana Dalipovski, prezidentika ko Centro bashi integracija e Romengiri ki EU. I konferencija legargjala I Darija Goreta, taro Romano nacioalno minioritetengoro centro ki diz Zagreb.
Odova so sine phanlo ki akaja beshlarin sine kaj o Roma kamlape te integririnenpe ko amalipa trujal edukacija thaj bukjardarnipa.

You may also like...

Sorry - Comments are closed