O Roma: Isi pobuter Roma so sapanda dzana pali azili, tikno si o numero okolengoro so iranenalen !

azil kosovo

O mangipa te dzivdinelpe ko poshukar shartija, bizo bare dertija basho odova sar te avelpe dzi ko love, dzi ki buti thaj dzi ko poshukar taisa, hembutpakjalape kaj chivela e Romen thaj poodori te mangjen te ikljoven tari rastra thaj te dzan ko Evropakere phuvja palo azili.

Spremal o analize sar so dikhena o Roma e Shutkakere, pobaro si o numero taro o Roma kola so dzana nego okolengoro kola so iranenape palo piro rodariba azili ki Germanija thaj ko javera EU phuvja.

Odova si agar taro pobuter sebepija, vakerena o Roma.

I R.Makedonija, spremal o Roma, kana dikhela te halovel o problemija kolencar so arakhalape i rashtra, nikana na dikhela te halovel thaj o problemija e Romengere kola so dzivdinena ki olate.

O nanipa buti thaj shukar egzistencija sa pobuter terinela e Romen te ikljoven tari rastra thaj te dzan palo Azili ko EU phuvja, a akoda dzanena kaj o shajsarina te len statusi sar Azili si jekaje e zeroja.

– Dzana a akoda dzanena kaj ka iranenlen, numa kerenapeske esapi te ikerenlen po 5 jali 6 chona te kheden disavo dinari te shaj kana ka iranenpe te pukinen pire esapina bashi struja thaj te ovel len disave love basho disavo tikno vakti, sa dzikote palem na anena decizija te ikljoven, vakerena o Roma.

Spremal o Roma kola so kerena rashtrakiri buti jali privatno kolatar so ikalena shukar love nane nisavi zarurin o Roma te muken pe khera thaj te ikljoven tari rashtra, numa spremal okola so nanelen nikotar nishto o ikljoviba palo azili si o jekhutno halojbe basho akava bizolovengoro dzivdipa.

Numa sapanda, o pobaro kotor taro o Roma si kategorikane, kana i radja e R.Makedonijakiri dela buti jali putrela dijek fabrika e Romengje ki shutka thaj kana bi kerena buti thaj lena nichale love, khoni na bi mukela piro kher thaj te dzal ko bipendjarde thana.

Sa dzikote odola lengere rodarina bashi but inane phejrarde e Romengje achovela te zaniminenpe e ajbaja thaj e dzajbaja ko stranstvo sar azilantija.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha