O Roma: I Rashtra ko sig vakti te kerel nevi Gradinka ki komuna Shuto Orizari !!!

GRADINKA

Avdive e Romen tari komuna Shuto Orizari manglam te puchalen, save seseja lele o haberi so thabili I jekhutni chavorikani gradinka so arakhlovela ko thana e Komunakere.

Irati, ko javinakere arija, I Gradinka thabili dzi ko pire temelija, thaj sa so sine sasto gelo ko zijani thaj kerdo sine baro materialno zijani.

Dzikana o nadlezna badanija rodarena o sebepija e jagakere, dzikana o sherutne tari chavorikani gradinka “8to april” kerena o zorija kaj te chiven e chaven te educirinenpe ko angledersiklanakoro bajrovipa thaj dzikana I komuna thaj olakoro legariba rodena solucije sar te restavririnelpe jali sakosa te kerelpe nevi gradinka ki mashkarbutikerin e rastrakere instituciencar, o Roma rovena so olengere chave, unukija, amalengjere chave thaj pashutne ka achoven bizi I zarureskiri angledersikljovnakiri edukacija.

Ola vakerena kaj hempharo ka ovel e jerijengje kola so si ki buti thaj kola dzikana si ki buti mukena sine pe chaven ki gradnika hem te educirinenpe a hem te oven arakhle dzikana iranenape khere.

O Roma rodena I rashtra ko sik vakti te reagirinel te shaj te kerelpe nevi gradinka, te shaj I komuna mate achovel bizi akaja jekhutni gradinka so dzi irati psotinela sine ko pervazija e komunakere.

Sar so ola rodena I rashtra ko sig vakti te kerel zorija te kerelpe nevi gradinka, ko istono momenti ola na pakjana kaj khoni ka akharelpe ko olengoro rodariba dikhindor I sakosaskiri politikakiri chipota ki R.Makedonija.

Ola nashti radza te keren, pa na pakjaja kaj ka tekninenpe thaj kaj ka ulaven vakti te keen gradinka, a upral sa e Romane chavengje, vakerena thaj gndinena o Roma.

Sar da te ovel, o hembare kurbanija ki sasti chipota si o 190 chavore kola so dzi irati nichaleste dzana sine thaj educirinenape thaj vaspitinenape sine ki chavorikani gradinka “8to april” koja so irati ko javinakere arija thabili dzi ko temelija.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha