O Roma hemhari lena than ki lokalno jekhin

РОМИ ЗАСТАПЕНИ

O javera etnikane jekhina ko Kumanovo pobuter si zapendjarde pire nijamencar, odoleske soske generalno nanelen problemija e edukacijaja. O Roma arakhenape sa e problemencar panda taro pire tikne pire, vakerena taro Nacionalno romano centro taro Kumanovo. O dizutnikano amalipa NRC taro Kumanovo, finansisko arkaja taro EU, ko mashkarbutikeriba e amalipaja Avena taro Kochani, chijbaja thaj e dizjen Tetovo, Bitola thaj Prilep, agorkerde o 18 chonengoro proekti anavkerdo sar “Poshukarkeriba e lejbaskoro than e etnikane minioritetengoro ko lokalno nivelo”. Ko proekti, sem o dizutnikane amalipna, lele than thaj o sikavutne taro bizohari sa o nadlezna institucie. Basho lejbe than e tikne etnikuimengoro, spremal I Aleksandra Georgievska, o koordinatori e proekteskoro, o esapija sikavgje kaj hemmarginalizirime si I Romani etnikani jekhin.

But si tikno o lejbe than e Romengoro, ko nekola komunakere konsilija chaj ola nane chivde ni hari, nanelen pire sikavutne. Ko Kumanovo thaj ko Tetovo kerde si komisije basho o legarina mashkar o jekhina, numa na kerena buti sebepi so nanelen finansije, vakerela oj.

Ko Kumanovo, sar multietnikani jekhin, o Srbija, o Vlasija thaj o javera na arakhenape e istone problemencar sar so arakhkenape o Roma. Akala etnikuimija pobuter si zapendjarde akale nijamencar, odoleske soske nanelen problemi e edukacijaja. O Roma arakhenape sa akale problemencar panda taro pire tikne bersha.

– Palo odova arakhenape thaj javere problemencar, sar achovin taro odova so nanelen edukacija, so e javere jekhinencar odova nane agar, vakerela oj.

I resarin akale proekteskiri sine te kerel strategijakere planija kola so sine dende dzi ki Komuna trine prioritetencar, detekiriba prekal hemime aktivitetija. Basho Kumanovo konkretno kerelape buti bashi edukacija, dzivdipaskoro than thaj kultura.

– Ki edukacija thaj dzivdipaskoro than hembut astarde si o Roma, dzikote ki kultura vakertguke thaj nane a te na len than, vakerela I Georgievska.
I Fatima Ramadanovska, finansisko menadzeri e proekteskoro, dzivakerela kaj prekal akava proekti si kerdi mangin basho aniba popashe e dizutnikane amalipnen e lokalno jekhinaja.

– Odoleske soske prekal I komunkacija shaj te kerenpe but pobuter aktivitetija thaj but pobuter te planirinenpe realizacije so mangaja te resaralen prekal bilo savo proekti, vakerela oj. Ola sic hale taro esapija e proekteskere, sebepi I shukar mashkarbutikerin e dizutnikane organizaciencar thaj e komunakere sikavutnencar manginaja thaj poodori te dzalpe e asavke aktivitetencar thaj dikhinencar ko interes e poshukarkeriba e chipotengoro e tikne etnikuimengere, panuneste e Romengiri.

You may also like...

Sorry - Comments are closed