O Roma esapinkerena: 2016 bersh – Sukcesivno basho Roma jali NA ?!?

Sebepi so arakhlovaja ko salde 2 divesa angleder o khujbe ko nevo 2017 bersh, thaj dzajbe e 2016 bersheskoro, avdive e Romen tari komuna Shuto Orizari mangjlam te puchalen sar ka achovel ko gndipa olengje o veke nakhlo 2016 bersh, thaj ko save chipote hembut ka denpe ki gnd ki oleste: ko sukcesivna jali NA?

O dzevapi basho akava puchiba, sar thaj so adzikerelape, leljamlen taro korkori Roma kola so sine I resarin amare anketakiri.

Isi asavke so vakerena kaj o 2016 bersh sine bisukcesivno basho o Roma, isi nesave so vakerena kaj sine sukcesivno, pa spremal sa o adalatkerina, shaj te vakerelpe kaj o 2016 bersh, spremal o Roma, sine bersh ko mashkar taro sukcesi thaj bisukcesi.

O phuvjakoro tinankeriba, o alosarina thaj o slabo dzajbe e bizniseskoro ko kurko e Shutkakoro si o chipote palo so hembut ka denpe ki olende ki gnd o Roma.

Jek taro o pobare sebepi so angja derti e Romengje ko akava 2016 bersh sine thaj o elektrikane energijakere uche esapina, paluneste ko akala palune divesa thaj chona taro bersh, kana o elektrikane energijakere esapija si enormno uche.

 

O 2016 BERSH sine savo sine numa pohari nakhkela. Basho 2017 bersh o Roma pakjana ko tranpe bashi Romani populacija.

Adzikerena kaj sa so dengjape lafi ki anglederalosaribaskiri kampanja ka phejrarelpe.

Ka kerenpe neve shajsarina bashi buti e ternenge thaj sebepija kola so ka ikerenlen ki rashtra a nane te mukelne te ikljoven olatar, normalno pakinaja kaj odola shukaripna ka oven osetime thaj o korkori terne Roma.

Basho 2017 bersh sem buti, o Roma mangjena jek javereske baht, sastipa, love, bereketi thaj soj najinportnanto, sansari thaj stabiliteti ki piri rashtra.

O bilachipa kova so ulo ko 2016 bersh neka achovel e purane bersheske, a o nevo 2017 bersh neka anel shukaripa palo shukaripa bashi amengje, mangjena jek jvareske o shutkakere Roma.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha