O Roma dzuvlja thaj akavada bersh “ O dive e Romengoro” dodjakergjele jek kupa achovinencar ko olengoro reproduktivno sastipa !!!

GINEKOLOG

I inicijativa e dzuvljengiri taro Shuto Orizari dela ki gnd kaj o Romane djuvlja taro Shuto Orizari thaj ko 2017to da bersh sapanda arakhenape jek kupa achovinencar ko olengoro avipa dzi ko fundavno sastipaskere shukaripna basho olengoro reproduktivno sastipa.

Ko Shuto Orizari nane ni jek matichno ginekologo, a 8000 dzuvlja si ko reproduktivno vakti.

– Spremal o sikavina taro sekolediveskere tereneskere aktivitetija e Inicijativakere, ki komuna Shuto Orizari sebepi o simantririmo avipa dzi ko avgo sastipaskoro arakhiba, but drom o dzuvlja bijanena ko kherutne shartija thaj si cidime tari saslarutnengiri arka, koleja so olengoro, thaj o sastipa olengjere neve bijande cvhavengoro, si seriozno chivdo telal ki dar, reagirinena tari organizacija.

O rodariba taro dekemvri o nakhlo bersh sikavela kaj salde 2% taro o dzuvlja taro Shuto Oizari sine vizita kerde taro patronazno phejna ko thavdipa e khamnipaskoro, akoda kamlape hemhari duj drom te oven vizitkerde ko thavdipa e khamnipaskoro. O istono rodarina sikavela kaj ko chak 83% taro o Romajna sine lendar lende love basho EHO dikhlarina tari rig e matichno ginekologoskoro, akoda akaja shukarin avela lengje bizo love.

– Daja ki gnd kaj ko 2015 bersh o neve bijande chavengoro meriba kori o Roma si skoro duj drom pouvho ako dikhlape ko proseko ko javera etnikane kupe.

O nakhlo bersh thaj o Mashkardijaneskoro komiteti basho ekonomijakoro, socijalno thaj kulturakere nijamija dengja mesazi e rashtra te shaj te prelel sa o sig napija basho bajrariba e numeroskoro taro ginekolozija ki phuv sa resarinaja te obezbedinelpe avipa sekole romnakje dzi ko ginekologijakere shukaripna, paluenste ki komuna Shuto Orizari.

Taro lendemesazija ko juli 2016 bersh dzi avdive o rashtrakere institucie na prelele nisave konkretna pire kola so bi kerena poshukar I chipota ki praktika.

– Dzipherdeste rodaja o dzevaplime institucie, angleder sa o Fondi basho sastipaskoro osiiguriteti thaj o Ministeriumi basho sastipa te arakhen halojbe ko konsenzus e matichno ginekologencar thaj amalipnencar e pacientkengere thaj e korkori jekhinakere, kolencar so sakosa ka eliminirinenpe o praktike e bikanuneskere lejbe love e sastipaskere shukaripengje ko thavdipa e khamnipaskoro ko ordinacie e matichno ginekolozengoro. Adzikeraja I naformalno radja te ovel posvetimi ko zorija basho arakhiba thaj anglutkeriba e nijamengoro e Romengere, delape mesazi ki reakcija.

You may also like...

Sorry - Comments are closed