O Roma dzanapeske a o Dojran achovela bizo argatija!!!

azil kosovo

O Purano thaj o Nevo Dojran ko istono vakti achile bizo pire sodizutne Roma. Saste Romane jerilukija mukle pire bijandipnskere thana thaj si ki rodarin palo poshukar taisa thaj ikaliba love ko zapadno evropakere phuvja.

Basho odova kerena lafi thaj o katancija ko olengere udara. Akava dzajbe tari rastra na kerelape prekal i rat. Mujal akava, kerelape sasto jek bersh thaj sebepi so poklopingjepe e bare braneja taro nashutne, kola so bash ko odova vakti shukaergje te resen ki makedonijakiri grcho simantra kaj i Gevgelija, koja so si dur salde 30 km taro Dojran, ko opsek si i varijanta kaj o dojraneskere Roma asatrgje o drom dzi ko Paschimalipa barabar e migrantencar tari Sirija, Irak, Pakistan, Avganistan thaj taro javera phuvja.

Odola so pakjana ki akaja verzija, esapinkerena kaj odova si shajdipa thaj kaj e dojraneskere Romengje lokheste shajsargja lengje te gurinenpe, paluneste ko shuru kana i Germanija thaj o javera rashtre but poliberalno pravgje pire udara na salde basho baro numero taro maribaskere nashutne, numa thaj basho o ekonomijakere emigrantija tari Azija thaj Afrika.

Javera palem na pakjana ko akala paraisa thaj vakerena kaj olengere sodizutne Roma bizo o zarureskere dokumentija nihemhari nashti sine te oven kotor taro o kolone thaj lokheste te nakhen o evropakere simantre barabar e nekozome milja nashutnencar.

Numa odova so veke osetinenale sarine ko Dojran si kaj seriozno shurakerela te falinel bukjarno vas basho o pophare fizichka bukja thaj kaj nane koj te kerel buti odova so voobichaeno kerenale buti o Roma, paluneste o mursha.

– Tamam si kaj o Roma gele peske thaj taro amaro agor. Gele basho but tikno vakti hemhari 30 dzene. Numa khoni amendar na dzanela nipalem shaj te dzanel sar kergje odova thaj dali chachipnaske gele barabar e nashutnencar so resena sine prekal i Grcija. Nane chinavdo kaj i sasvki paramis ovela sa pobari odoleske soske poklopingjape o vakti. Nekola esapinkerena kaj shaj sine odova agar te ovel paluneste ko shuru kana o kontrolorija ko simantre na sine odoborom stoga. Numa, jasno si kaj khoni amendar ni dikhle odova nipalem isilen sikavina so bi kerena te ovel verodostojno akaja paramis basho nashiba e Romengoro ko Pashchimalipa barabar e braneja taro dzene nashutne, vakerela kej dizutno taro Purano Dojran.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha