O Roma chaja ko Belgrad – Srbija, sa pobare kurbanija e eftino prostitucijakere

PROSTITUCIJA

Ko rodariba pali jek storija kaj ko korkori centro taro Belgrad sekova dive kerelape buti o “hempurano zanaeti” jek zurnalistka geli dzi ko korkori than e prostitucijakoro, kote so pashlola sine jek uravdi shukar rajoni e rakjakiri. Odothe arakhelal but sumliva jakha, numa thaj dodzandipna kaj o dzuvlja, Romajna, maltretirime thaj cidime bikinena piro bedeni basho saled 10 evroja.

I zurnalistka vakerela: Pherde duj arija sijum sine ki shudri bavlal ko centro e Belgradeskoro, thaj rotirime taro prostitutke. Dzikote ola mashkarpeste kerena sine lafi, me ikeravaman sine ki rig hari darakerdi. Ni jek na sumningjape kaj me akate sijum ki disavi savala. Sar zurnalistka kamlape sine te arakhav sar pashaldan legarenape akala rakjakere rajona, thaj sar nakhena I rat.

– Salde so aljum. Nevi sijum. Sapanda na shurakergjum. Numa aven pogeshi. Palo 23 o ari. Koa kava than, dzanejali I moldija?

Astargjaman jek baro asajbe. Manush kova so skoro isile 70 bersha, koleske so bi gndinava kaj si bizo arkakoro phuro, tergjovela sine mujal mande thaj asakerelaman sine ko muj. Maftinela sine lovencar ko po vas ikeribaja 7dzi ko 8 mile evroja thaj vakergja:

– Shun tiknije, me na sijum nevo. Akava si but pobuter taro dovolno. Nikana basho nishto na pukingjum pobuter, thaj odoleske ma ker mange trikija te ikale mandar pobuter love. Dzikana phirava sine dzi ko duj sikavde uche thaj slabo Romane chaja, sfatingjum kaj sa o chaja kola so dikhavalen si Romajna thaj nashukar hale thaj maltretirime.

Ko nekozom metre olendar gelum ko panda pobaro asajbe. O duj irangjepe dzi ki mande o chaja thaj dengjeman ko dodzandipa kaj poshukar si te ikeravman olendar po but. Thaj achilum ki rig.

Panda nekozom mursha ale mangje ko avutno jek ari. Shajsargjum te arakhav kaj o seksualno usluge akale chajencar ko droma legarela trujal 20 evroja thaj kaj akala chaja akate tane taro 18 o ari pa sa dzi ko javinakere arija. O klientija khedenalen ko vrdona kote so hembut drom agorkerelape thaj I buti, a but drom odova kerenale thaj palo hoteleskere odaje jali palem anglo o stanengere khujbaskere thana.

Nekote trujal I ekvash I rat muklum I Balkaneskiri ulica. Kozom akaja storija te shungjol tumengje darakribaskiri, mangje dikhovela but pohaver. Akale Romane vhajengje ni henhari nane lengje lokho. Olengoro dzivdipa si ando dzi ko odova te bikinen piro bedeni, te oven maltretirime thaj doshperavde korkori pes sar manusha.

Sigurno sijum ko odova kaj odova nane lengoro alosarina, numa ola si chivde thaj doshperavde ko akava, vakerela I zurnalistika.

You may also like...

Sorry - Comments are closed