O Roma: Baro numero taro Roma so rodingje Azili ki Evropa iranenape napalal !!!

AZIL

O chon koleste so khuvgjam thaj kova so pohari shurakerela et dzalpeske, sijam sarine svedokija sar baro numero taro Romane jerilukija iranena napalal ko pire phuvja, sar so ko evendaskere vaktija iklile olendar thaj gele ko Evropakere phuvja te roden azili.

O Roma tari amari them iranenape taro sa o phuvja kote so rodingje azili, a sar hem mangle destinacije olengjere kote so nakhavgje o even thaj akana iranenape sine I Shvedija thaj Germanija.

Spremal o politike e rashtrengjere tari Evropa, I politika te ikerenpe o rodarutne e azileskere ko olengere phuvja ko evendaskere vaktija, a te oven irame napalal salde so ka pravgjon o vaktija, si jek taro o shajdipaskere kola so praktikuinenalen o evropaskere phuvja ki te shaj te palden tari piri prestolnina e rodarutnen e Azileskere taro phuvja kola so si sigurno avipaja, a jek olendar si thaj I R.Makedonija.

Dali ki korkori piri mangin jali deportirime, o Roma ki mahala thaj ki shutka, a pakjava thaj ko javera da Romane kupatna, sa pomasnovno iranenape pire chavencar thaj pire resarde malencar so resargje te khedenlen basho vakti kana sine rodarutne e azileskere.

Akala pobuter drom anavkerde hovavne Azilantija Roma akana kana iranenape napalal ulavenape ko duj kupe: jali ki kupa taro chale taro o khedimo mali ki evropa pa akate avena kerenapeske khera, bijava, hajbe thaj pijba, jali ki dujto kategorija jali okola kola so bikingje sa so sinelen te shaj te dzan ki Germanija a akana iranenape bizo nishto khere.

 

Ko nilaeskere vaktija save so arakhlovena angli amende but polokheste shaj dzivdinelape hem ki amari da puhv, bukvalno, te na ovel odoborom shudro ko evendaskere vaktija thaj sa te funkcionirinela sar so ljazmi, gndinava kaj ni jek Rom na bi ikljovela tari pi phuv.

Numa I dar taro even savo so nakhla pire bare shudripaja thaj I sikavin kaj o chipote ki them nisar te tranpuinenpe dena sa pobaro signale kaj palo o nilaj, akavada bersh o Roma ka probinen piri baht thaj ka oven potecianlno rodarutne e Azileskere ki Evropa.

You may also like...

Sorry - Comments are closed