Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha

Amare droma si pherde ledoncar, daraja te ikljova te na pera …

sneg

O avgo iv pelo angleedr jek ukro, numa o achovina so mukljalen pali peste achovena te sikavenpe sar baro problemi sa dzi avdive, kana ki kombinacija e minusno temperturencar thaj e pajanalipaja, alope dzi ko esapi sa o sporedna Droma e Shutkakere te oven pherde iveja thaj ledoja, kova so sem so si melalipa sikavelape thaj sar opasnost basho phiriba e dzituengnoro, tari dar te na peren thaj te phagen piro badani.

Alarmantno si o dizutne e shutkakere bashi akaja chipota e ivale thaj leduime dromengiri, paluneste o dzuvlja thaj o pophure odoleske soske darana kaj akaja chipota shaj te anel bibahtalipa ko olengoro fizichko sastipa, sar so si phagiba dijek vas, piro, pashavro thaj agar naodori.

Ki komuna Shuto Orizari, vaketencar napalal, ko vaktija e evendaskere kana perena iva thaj ovena ledija, nikana na postoingja mehanizacija koja so ka avel thaj o sporedno thaj o hemfrenkfetno sekolediveskere phiribaskere droma e Romengere te kosel len thaj te cidel odole kosibaja sa o rizikija.

Akava even si paluno darakeribaskoro, odoleske soske ki kombinacija e ivencar thaj e ledoncar avena thaj o but harne minusna temperature so znachinela kaj sa o chika o pajna so prekal o dive mukljona, rakjakoro ovena sanka basho tikne, a dar basho o pherdebershengere Roma te na peren.

O dizutne e Shutkakere, sem so akharena e nadlezno badanen te raskosen o Droma thaj te nashelpe taro disave sastipaskere namangle achovina, ola isto agar akharin dena thaj dzi ko sekova jek dizutno, te ovel bajrarde gndipaja thaj sekova jek te ikljovel angli piri porta, pire lopatencar te raskosen o iv, agar hem ka da amengje arka taro periba, a hem arka e komunake, kola so pakjalape kaj nanelen nichali mehanizacija koja so shaj te legarelpe akale ivale thaj leduime dromencar, a akoda I komuna gejnelape sar jek taro o pobare ko nivelija e themakere.

Jek taro o korkori inicijativakere Roma so lele te raskosen o droma si o shutkakere pazardzije, kola so kerena zorija te raskosen o centro e shutkakoro te shaj te chiven pire tezge te bikinen.

Jekhutno chisto drom taro ledija thaj iva si o sherutno drom Indira Gandi, kova so si telal ko nadleznost e Dizjakoro Skopje.

You may also like...

Sorry - Comments are closed

Video

Follow Us