O proekti “Sekova jek isile nijami ki sastipaskiri arkhin” nishanikerela pozitivno esapija

ЗДРАВСТВО

4 chona palo prajbe, I kancelarija bashi bizolovengiri arka thaj konsilija bashi Romani preperin taro gostivareskoro regioni, nishanikerela pozitivno esapija thaj interes ko dizutne Roma. Basho ikaliba dokumentija, phejrariba formularija thaj slichno, dzi akana sine dendo arka basho 50 Romane dizutne taro Gostivar. O studentija palem pali medicina, kola so si angazirime basho medicinakere konsilija thaj dikhlarina, ko dive lena taro 5 dzi ko 10%.

I kancelarija funkcionirinela sar kotor taro proekti “Sekova jek isile nijami ki sastipaskiri arakhin” e Asocijacijakoro basho Demokratikano Bajroviba e Romengoro “Sonce” taro Tetovo.

– E thavdipaja e vakteskoro, veke o avgo chon sar so dengjam haberi e Romane populacija ola havgje koja si amari resarin thaj o intereso si but baro odoleske soske isi baro numero taro manusha kola so si hronichno hipertenzijaja kola so isilen zarurin ko thavdipa e diveskoro te merinen piro rateskoro pritisok, thaj te dikhen dali I terapija nichaleste deluinela lengje. Odoleske akaja kancelarija bashi olengje si shukar ali odoleske soske shaj ko thavdipa e diveskoro te merinen piro shekeri thaj pritisok ko rat thaj te dikhlaren pumari sastipaskiri chipota, thaj esapinkerava kaj sar so nakhela o vakti sa pobuter manusha dodzajnena bashi amari buti thaj kulandinena akaja usluga, vakerela o Romano saslarutno Arif Pini, proekeskoro koordinatori.

– Hembaro problemi kana kerelape lafi basho kulandiba e sastiapskere uslugakoro kori o Romano dizuitnipa si o nanipa e dokumentacijakoro. O dzandipa ko kriba buti sikavela kaj I hembari arka si zaruri bash ko kotor e obezbedibaskoro basho o Roma olengere dokumentija, knishke, rodarina thaj agar naodori.

But dro avela dzi ko ikljoviba thaj iranibape napalal ki phuv e Romane populacijakoro, sa odova anela dzi ko problemija olengere dokumentacijaja, odoleske amen ikljovaja lengje ko anglederdikhiba e ikalibaja sastiapskiri khinshka thaj javera dokumentija, odoleske soske sijam ki gnd basho odova te sikava o nijami e sastipaskere zarurinakoro thaj te ovelpe dijek dokumentacija. Ko dakiko isiamen dendo arka basho 50 Roma kola so rodingje arka ko phejrariba pier nijameskoro, vakerela o saslarutno Pini.

I kancelarija bashi arka thaj konsilija arakhlovela ko drom “29to Noemvri” pali I komunakiri kula thaj kerela buti sekovadive basho o dizutne Roma kola so isilen zarurin tari asavki dikhli arka. O proekti ka dzal thaj poodori te phejrarelpe dzi ko agora kale bersheskoro.

You may also like...

Sorry - Comments are closed