O Pashakerde Nacie nashena taro dzevaplukija dzi ko Roma e Kosoveskere

KOSOVO ON

Bernard Kushner, Muhael Ssajner, Seren Jesen Peterson – sa akala dzene sine shefija e misijakere UNMIK ko Kosovo basho vakti kana o Roma sine paldime thaj dzivdinena sine ko toksikakere shatorija pherde olovoja ki Utarig Mitrovica, sikavena o germanijakere mediumija.

Ola telal ko anav “O ON nashela taro dzevapluko” sikavgje jek dokumenti kote so tergjovela kaj “nane te ovel zijanikeriba basho o Roma kola so sine otruime ko Kosovo”.

O zurnalisti Andres Ernst vakerela kaj I Komisija e Pashakerde Naciengiri basho manushikane nijamija e Kosoveskiri ko fevruari o nakhlo bersh zojrakergja kaj o raselibe e Romengoro tri Utarig Mitrovica sine bizokannuneskoro. O Roma sar so sikavelape ki Komisija isilen sakosaskoro nijami e individualno zijanikeribaskoro.

– Odoja ekspertiza anglederangja paziba ko sasuitnipa, a I sasti buti achili te bisinel ki havaja, dzikana o Generalno Sekretari e PN Antonio Gutieres ko fevruari 2017 bersh angja decizija: Nane te ovel ni afirodiba, ni zijanikeriba.

Ko than odoleskoro o PN ka kerel love basho finansiriba e proektengoro bashi arka e Romengiri ki Mitrovica thaj ko trujalipa. O Gutieres rodingja sukarmanginalere prilogija thaj dengja lafi kaj taro odova dzandipa ka oven ikalde pouke.

You may also like...

Sorry - Comments are closed