O Pashakerde Nacie musaj soodvetno te kompenzirinel e kurbaanen Roma taro olengoro otruiba e oloveja ko Kosovo

РОМИ КОСОВО

O pashakerde nacie kamlape te predikhlaren piri decizija kolaja so namangle te ispukinen zijanikeriba e Romengoro taro Kosovo, kola so sine kurbanija e otruibaskere e oloveja ko kampija e ON, kote so sine chivde palo mariba ko Kosovo.

O pashakerde nacie shaj te parunen pire zorija te shaj te promovirinen pire manushikane nijamija, ko vakti kana ola si zagrozime ko sasto sumnal.
Akava si stavi e ekspertsko paneleskoro e ON, kova so rodarela sine o zojrakerina basho phaeriba e manushikane nijamengoro tari rig e ON misijakere ko Kosovo, palo maribe ko 1998 1999 bersh, chijbaja thaj o truiba e Romengoro oloveja ko kampija so legarelalen sine akaja organizacija.

Ki olende pobuter tari jek decenija, dzivdinena sine o andrune raselime Roma, Ashkalije thaj Egipjanija. Nekozom 100 olendar nasvalile, a but olendar thaj avdiveda isilen bilache achovina ko piro sastipa.

O konsileskkoro dejbaskoro paneli basho manushikane nijamija, kova so kergja rodarina basho otruiba, o nakhlo bersh thaj dengja mesazi e ON te izvininelpe e kurbanengje taro otruiba e oloveja thaj te ispukinel lengje o individualno nadomestok.

Mashkar odova, o nakhlo chon, o kotor basho legarina e sasuitnipaja e generalno sekretareskoro e Pashakerde NAciengoro, Antonio Guteres, dengja predlg basho jek pojaver plani thaj havlargja kaj o ON ka kerel fodni so ka lokharel o inicijative ki jekhin, sa resarinaja polungo te del len arka, e Romen, AShkalien thaj Egipjanija.

Javere lafencar, o phuvja dzejna ki ON korkori ka haloven dali ka donirinen ko akava fondi, kova so shaj te ovel kulandimo basho aktivitetija kola so nane konkretno chivde ko drom dzi ko kurbanija taro otruiba e oloveja, t.e. o Roma.

O advokatija e Romengjere, o organizacije basho nijamija e Romengjere thaj o zastapnikija e dzevapluksokoro ko ON, kritikuinena I decizija e sumnalekere organizacijakere. O Human Rajts Voch rodingja taro Guteres te usoglasinelpe e mesazencar e konsileskere dejbaskere paneleskere.

O poanglutne dzene e paneleskere, akharena e ON te lel pojaver kursi. Ko pismo so ko 8to juni bishalgjele e Gutereseske, ola sikavena kaj akava fondi na dela zijanikeriba basho o ratvariba e nijameskoro e dzivdipaskoro thaj o nijami e sastipaskoro e Romengoro.

You may also like...

Sorry - Comments are closed