Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha

O mitingija anglederdikhle: O VMRO DPMNE cidela taro Ohrid, o SDSM taro Prilep, o DUI taro Lipkovo

O VMRO DPME thaj VMRO bashi Makedonija tradicionalno cidena taro Ohrid, o SDSM tari Prilpe, o DUI taro Lipkovo, a FRODEM taro skopjeskoro hoteli Kontinental ki alosaribaskiri kampanja. Akala si o thana kotar so o partijakere koalicije thaj parti kola so lena than ko parlamentarno alosarina ko 11to dekemvri, ka shurakeren piri alosaribaskiri kamlapnja, koja so ka shurakerel ko jektodi, 21to noemvri.

Te shaj te na peren ko isto dive thaj diz, o VMRO bashi Makedonija o shuru e kampanjakoro zakazinelale basho dujtodi, ko 22to noemvri, odoleske soske ko 21to noemvri, ko jektodi, ko Ohrid ka ovel mitingo taro VMRO DPMNE.

 

Tari legaribaskiri partija havlarena intenzivno barvali kampanja, koja so ka astarel pobuter kotora. Taro SDSM vakerena kaj I kampanja ka ovel lengje standardno – prekal dive dikhinencar e dizutnencar, a rakjateja ko mitingija. Taro DUI vakerena kaj I promocija e kandidatengiri ka kerelpe ko puranokurko, ko 20to noemvri, e konvencijaja koja so ka ikerelpe ko 17 o ari ko sporteskoro centro Boris Trajkovski.

O Donchev, o shertuno e alosaribaskere shtabeskoro e koalicijakoro VMRO bashi Makedonija, vakerela kaj I kampanja ka ovel tribinencar ko phanle thana. Ko diso isto chane ka kerel buti thaj o FRODEM. O legarutno e Koalicijakoro basho tranpe thaj nijamija, Jove Kekenovski, vakerela kaj ko pobare dizja ka ovel len khedina. Sa o politikakere partie zojrakerena kaj o videohramovina si lengje ko agor e savalakoro.

You may also like...

Sorry - Comments are closed

Video

Follow Us