O MIT univerziteti ulavgja 15 stipendie basho bizolovengoro studiriba e studentengje Roma

МИТ

10 stipendie basho bizolovengoro studiriba ko dzidiplomiribaskere studie thaj 5 stipendie basho palodiplomiribaskere studie basho o studentija Roma tari rig e MIT univerziteteskoro.

O kabineti e ministereskoro bizo resori Samka Ibraimovski, ki phandin e Konkurseja basho hramoviba stundetija ko akademikano 2017/18 bersh ki R.Makedonija, dela ki gnd sar e dizutnen taro Romano etnikani preperiba basho o shajsariba te aplicirinen basho bizolovengoro studiriba ko MIT Univerziteti ko Skopje.

O MIT Univerziteti ko Skopje si resarin basho phejrariba e komunakere dzevaplukoskoro sar inkluzivno thaj multikulturakoro ucho edukacijakoro institucija, ulavela 10 stipendie basho bizolovengoro studiriba ko dzidiplomiribaskere studie e siklengoro e agorkerde 4 bershengoro mashkaruno educuriba odlichno sukceseja thaj sikavde esapinencar ko avrial taro siklanakere aktivitetja taro Romano etnikano preperiba.

O Romane studentija kola so ka len I stipendija ka ovel len nijami te alosaren te studirine ko kova mangjena taro o akreditirime fakultetija thaj studiribaskere programe ko pervazija e MIT Univerziteteskere Skopje.

You may also like...

Sorry - Comments are closed