O Ministeri Nezdet Mustafa vizitkergja e Romane familija taro Drachevo ko Dizjakoro Hospitali ,,Sv. Naum Ohrideskoro,,

NECO BOLNICCA

Avdive o Ministeri ki Radza e R.Makedonijakiri thaj o Nacionalno Koordinatori e Romane Dekadakoro, o Rajo Nezdet Mustafa, gelo ko dizjakoro hospitalo “Sv Naum Ohrideskoro” ko Skopje te shaj te vizitkerel e Romane familija taro Drachevo kola so sbepi o seriozno thariba ko olengoro badani, pali i jag so iklili pali i eksplozija e bocakiri, ola sapanda arakhlovena ko dizjakoro hospitali.

Ko amalipe tari i Sherutni medicinakiri phen koja so primingja e Romane familija thaj koja so kerela gajle basho olengoro sastipa, sar thaj ko amalipa tari i shurtni ki Univerziteteskiri Klinika palo Hirurshko nasvalipna ko Dizjakoro hospitali “Sv. Naum Ohrideskoro” ko Skopje, i rajoni Jasmina Chabukovska Radulovska, O Ministeri Mustafa gelo te dikhel dzi ko kova nivelo si olengoro sastipa, te siakvel sochustvo e Romane familijake thaj te lel konkretno napija basho posig olengoro saslariba.

Jek dzuvli dzejni tari i Romani familija taro Drachevo, koja so palo o phajdoviba e bcakoro arakhlape tharipaja ko piro badani taro 60% sapand si intenzivno odaja kote so delape lake arka, thaj olakiri sastipaskiri chipota si nasigurno.

O ministeri Nezdet Mustafa vizitkergja la late thaj sikavgja piro sochustvo bashi olake mangipaja lake sigate te saslovel. Isto agar ov sine ki vizita thaj ko javer kotor taro o Roma kola so ko dizjakoro hospitali arakhlovena ko oddelenie basho tharipna ko badani thaj kola so si avrial tari dzivdipaskiri dar.

Bashi i momentalno sastipaskiri chipota lafi kergja i sherutni phen taro o oddelenie basho tharipna ko badani koja so legarela e Romane familijakiri sastipaskiri chipota.

Thaj o Ministeri Nezdet Mustafa, razocharimo thaj o ikljovina e eksplozijakoro tari boca, kola so angje seriozno achovina upral o sastipa e Romane familijakoro taro Drachevo sinele piro komentari thaj piro sochustvo e familijake. Oleskiri resarin si te shaj te kerelpe pobaro paziba upral o sastipa akale Romane familijengoro, sar thaj prelejbe disave javera intervencijengoro basho dejbe arka akale Romane familija ko odola kotora kote so ka ovel lenge hemzaruri.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha