O Ministeri Nezdet Mustafa mukla ko kulandipa o nevo asvaltirimo drom Ilindenska e Romengje ko Delchevo

nezdet_mustafa1

O ministeri ki Radja e R.Makedonijakiri irati ko 30to januari 2016 bersh sine ki bukjarni vizita ki diz Delchevo. Ko pervazija pire vizitakere ov sine primimo taro piro amal dizjakorosherutno ki diz Delchevo o rajo, Darko Shehtanski. O duj dzene kergje lafi basho o thavdimale numa thaj basho o avutne proektija kola so i Dekada e Romengiri, kolakoro so koordinatori si o Rajo Nezdet Mustafa thaj o budjeti e komunakoro Delchevo kerenalen basho shukaripa e Romengoro tari akaja diz. O duj dzene phanle pe lafija kaj ko avutnipada ka keren kontinuirimeste buti ko rekonstruiriba, saniriba thaj shuzakeriba e shartengoro basho dzivdipa ko droma kote so dzivdinena o Roma.

Pali i shukar dikhin ko kabineti e dizjakeresherutneskiri Shehtanski, o ministeri Mustafa thaj o dizjakorosherutno Darko Shehtanski gele ki hemzarureskiri destinacija. Usvari, i sushtinsko resarin e ministereskere visitakiri ki diz Delchevo sine ko svechano chane te mukelpe o nevo asfaltirimo drom ki Romani mahala ko Delchevo, kova so drom phiravela anav “Ilindenska”.

E Dekadakere lovencar taro ekvash milioni denarija, jali 500 000 denarija, thaj e lovencar taro budjeti e komunakoro, o Roma taro drom Ilindenska pobuter nane te gazinen ko chika thaj ko melalipa, proekti kova so si isto sar so kerelape ki sasti Republika Makedonija veke nekozom bersha, prekal ko proektija e Romane Dekadakere, kolakoro so koordinatori si o Ministeri ki Radja e R.Makedonijakiri o Rajo Nezdet Mustafa.

O Romada taro akava drom “Ilindenska” ki Romani mahala ko Delchevo sine but loshale so pohari ama sigurno olengiri mahala ka dikhovel sar sa o javera jekajek vakteskere mahale ki sasti them kola so kerelalen pire zorencar o Ministeri Nezdet Mustafa.

Avdive ko dive kana dobingje nevo asfalti ko piro drom ola ko jek lele thaj lafi taro o Ministeri Mustafa kaj akava nane te ovel agor e investiciengoro ki olengiri mahala, numa i mashkarbutikerin mashkar o Ministeri Mustafa thaj o dizjakorosherutno Shehtanski, kana kerelape lafi basho shuzakeriba e Romane dzivdipaskoro ko Delchevo ka djal thaj poodori te kerelpe.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha