O Ministeri Nezdet Mustafa irati arakhlilo mashkar o Roma taro Pehchevo thaj Crnik

1

O proektija tari i infrastruktura sine i sherutni tema thaj o sherutno sebepi tari i iratutni bukjarni vizita e ministereskiri ki Radja e R.Makedonijakiri o rajo Nezdet Mustafa, kova so si thaj koordinatori e Romane Dekadakoro, koja so kergjala ki diz Pehchevo thaj ko gav Crnik. Ov ki piri bukjarni iratutni vizita dikhlape hemavgo e dizjakeresherutneja taro Pehchevo o rajo Igor Popovski, sar thaj e Romencar tari akaja diz.

O Ministeri Nezdet Mustafa kova so ko jek si thaj koordinatori e Dekadakoro thaj e Strategijakoro basho Roma, e dizjakeresherutneja Popovski kergje lafi hem basho o thavdimale a hem basho o avutne prokktija phanle e komunaja Pehchevo. I resarin e vizitakiri sine te shaj ko avutnipa o ministeri Mustafa thaj o dizjakorosherutno Popovski te phanden pe lafija basho disave avutne konkretno proektija kola so ka kerenpe thaj ka oven ko kulandipa e Romengje taro Pehchevo thaj Crnik.

Pali i dikhin e dizjakeresherutneja ki diz Pehchevo, o rajo ministeri Mustafa iklilo te dzal ki hemzarureskiri destinacija oleskere vizitakiri, t.e. te dzal thaj te dikhelpe pire amalencar, prajla thaj simpatizerija Roma taro o gav Crnik e komunakoro Pehchevo. Ko akava gav dzivdinena vakertuke 90% Roma taro o sakosaskoro naselenie, thaj ola ko but shukar chane dodzakergje e ministere Mustafa.

Selaminkergjele thaj barabar oleja gele te dikhen thaj te keren vizita ko veke kerde nekozom droma ko akava gav, kola so droma kergjepe ko nakhle vaktija prekal i Dekada e Romengiri kolakoro so koordinatori si o Rajo Nezdet Mustafa.

O ministeri Mustafa basho o Roma taro Crnik havlargja lengje pobuter arke ko pobuter infrastrukturakere proektija ko avutnipa, sar so si te asfaltirinenpe pobuter tikne droma e gaveskere. Ov ki dikhin e romencar, vakergja kaj o Roma isilen pravde udara tari lokalno korkorilegarina thaj taro dizjakorosherutno, a odova delalen shajdipe ola polokheste te arakhen buti, te kulandinen o bukjardarnipaskere napija, thaj te phejraren pire javera pozarureskere resarina.

A thaj o Roma na mukle mazumi e Ministere Mustafa. Ola sikavgje po chalipa so ko nakhle vaktija dengjalen arka, sar thaj akana si panda poloshale so o ministeri Mustafa dengjalen lafi kaj ka del len arka ko javerada infrastrukturakere proektija.

O dizjakorosherutno Popovski sikavja kaj i lokalno korkorilegarin ko thavdipa investirinela ko akava gav ko poshukarkeriba e infrastrukturakoro, e osvetluibaskoro, e chijbaskoro betonsko bekaton plochke, e keribaja prechistibaskiri stanica, e rekontrukcijaja ko Sastipaskoro kher, e rekonztrukcijaja ko kanalizacijakoro netvorko thaj dzivakergja kaj ko avutnoda vakti o dizutne Roma ka len thaj nevo sporteskoro khelibaskoro than ko gav.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha