O Ministeri Aleksandar Vulin kosla o grafitija kola so sine hramome mujal o Roma ko Belgrad

MINISTER

O Ministeri bashi buti Aleksandar Vulin, barabar e sikavutnencar e NAcionalno Romane konsileskere minioritetengoro thaj I belgradeskiri kupatni Chukarica, kosle angleder nekozom divesa o grafitija koja so sine hramome mujal I Romani prepern ki grada e sastipaskere Khereskiri ki komuna Chukarica.

– Nashti te havav, paluneste ako akava hramongjale Srbijanco, te hramonel diso mujal o Romano dzijani kolencar so ulavgjam o shukar thaj o bilacho zamanencar napalal, kola so sine amengje sakana akate ko phare thaj ko shukar vaktija, kola so avdive si kotor amare istone rashtrakiri, kola so mangjena piri rashtra.

Nashti te halovav kaj dijem marela e Romane chaven odoleske soske legarela srbijakoro bajrako ko vasta. Nashti te halovav kaj sa akava kerelape… SAr so nashti te pakjav kaj, ako akava hramongjale Srbijanco, kaj ki ladz e srbijakere dzijaneske, uzal o doshperavibaskere lafija hramongja thaj kukasto krsto, nishani e SS phiribaskoro – vakerela o Vulin.

Sar so sikavelape ko havlariba, o Vulin vakergja kaj si sakosa shajsaribaskoro kaj bash nekoj taro o popurane dzene odole jerilukongjere kola so hramongje o grafitija mujal o Roma lela than ko SS phiriba jali kaj mulo sebepi I ideologija e kukasto krstoskiri.

– Nashti jek Srbijanco te chivel nacistikano nishani ko Belgrad, nashti Srbijanco te lungo kerel nacistikani ideologija koja so I istono mudargja olakere dzijane, vakergja o Vulin thaj dzivakerela kaj I Radza e Srbijakiri sakana ka marelpe mujal sa odola kola so lungo kerena namangipa.

Sem o Vulin, ko phandipa e grafitengoro makhibaja kirechi upral olende lele than thaj o sikavutne taro Nacionalno Romano konsili Vitomir Mihajlovich thaj o prezidenti e komunakoro Chukarica Srdzan Kolarich.

You may also like...

Sorry - Comments are closed