O MANUSHIPE sikavdo ko kotor: I familija Umer taro Drom “Shuto Orizari”donirinela kiramitke e opozarime Romengje

KERAMITKE

Te ovelpe manush znachinela te ove asavko so odova soj tano tiro ka ulavelel e javere manushencar so isilen zarurin tari tiri arka.

Asavko egzampli avdive dikhlam ki komuna Shuto Orizari. I familija Umer kola so dzivdinena ko drom Shuto Orizari, mangjel angli amari kamera te sikaven piro Manushipa.

Ola sarine jekhutneste angje decizija te shaj ko disavo chane te den arka e opozarime Romane familijen kola so ko chon januari achile bizo pire khera.

Ola akharena bilo kole Romane familija so sine astarde tari jag te shaj kaske so hembut trebena kiramitke, te aven thaj te lenlen bizo nisavo dinari.

Odova sebepi, amenda sar romano medium kola so akana daja amari arka basho o opozarime familije Roma, akharaja bilo kole familija, so isila zarurin taro kiramitke te aven ki akaja Romani familija thaj te lenlen bizo love.

O kiramitke kola so denape sar donacija si skoro neve, shukar arkhle thaj isi trujal 300 kotora.

Odola kola so ka mangjen te aven dzi ko kiramitke, ako nadzanena kote arakhlovela akaja Romane familija, shaj te aven dzi ko amare tana e Televizijakere, a amen te ingaratumen dzi ko cachikano kher te shaj te len tumengje i donacija.

Salde jek napomena tari familija Umer si kaj, okola so ka mangjen te len o keramitke, o keramitke ka lenlen sakosa bizo love, numa ka musaj te arakhkenpeske salde nekozom dzene kola so ka musaj te phuravenlen dzi ko than.

Te ova sarine humana thaj te dikha akava egzmampli e familijakoro Umer, thaj ako amenda isiamen disavo materiali basho gradiba kher, a beshela amengje bizo kulandibaskoro, te donirinale akale opozarime familijengje.

Ako amengje disave bukja nane zaruri, nekaske odola so taro baro zaruri, odoleske te sikava amaro Manushipa thaj te donirina.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha