O kurko savo so nakhla o C.S.I. “Nadez” organiziringja prastin mashkar o terne ko Shuto Orizari

TRKA NADEZ

O Centro basho socijalno inicijative Nadez dendo ikerin tari fondacija Schuler Helfen Leben thaj tari komuna Shuto Orizari ko savatone savo so nakhla basho avgo drom organiziringje humanitarno prastin telal ko anav “Prastaja sarine” ko drom Indira Gandi ko Shuto Orizari.

Ki prastin lele than sikle taro lokalno fundavno thaj mashkarune siklane ko Shuto Oriziri, numa isto agar thaj fundavno, mashkarsikle thaj studentija, sikavutne taro institucie, biradjakere organizacija thaj o Ambasade tari sasti rashta.

O svechano prajbe e prastinakoro sine kerdo ko 9 o ari thaj 30 dakikija ki avlin e Centroskiri basho socijalno inicijative Nadez. I chavorikani prastin thaj I prastin e pherdebershengere chavengiri shurakergja taro 10 o ari, a ko 12 o ari sine organizirimi zabava basho ulaviba e pursakongoro.

O organizatorija kergje akaja prastin te shaj te sikaven kozom si inportantno o fizichko aktiviteti sar jek taro o sherutne sikavutne basho bajrovipa sekole dzeneskoro, numa isto agar thaj te anen pashe e javere dizutnen e lokalno dizutnencar taro Shuto Orizari.

You may also like...

Sorry - Comments are closed