O kurbanija Roma e sastipaskere sistemeskere, rodena nijami anglo Adalati

ROMA SOS

I biradjakiri organizacija Roma SOS taro Prilep ko adalati ka rodel o nijamija basho nekozom chipote kolende so sebepi o nafuncioniriba e sastiapskere sistemeskoro isi kurbanija Roma. Rodena te zojrakerelpe o dzevapluko e saslarutnengoro thaj e instituciengoro e rashtrakere.

O fundavno doshalkeriba tari Prilep, shurakergja anglederrodaribaskiri postapka trin chona palo o mriba e trin bershengere Romane chajakoro taro Prilep, kote so spremal o jerije olengiri chaj muli sebepi o otruiba e hajbaja, akoda sine ko medicinakoro dikhlariba. O obdukcijakoro havlariba konechno si dendo ko Doshalkeriba, a sar so vakerela o doshalkerutno Risto Shosheski, bizo te del detalija, kerenape stuchno diklarina, khedenape dokazija sa resarinaja te zojrakerelpe dali isi elementija basho eventualno dzevalipa e medicinakere dzenengoro kola so sine chivde ko dikhlariba upral i chaj.

– Vakergje mangje basho 15 divesa ka denman havlariba tari obdukcija, eke veke trin chona nisavo esapi nane. Zarem nane grevo. Kamlape te vakerelpe o sebepi basho odova. Soske si oj muli. Nisavo dokumenti nane, mangava te dzanav, ki gajla sijum, reagirinela i Zulihana Kjazimova, i daj e trine bershengere chajakiri.

Ko adalateskere lavirintija pobuter taro trin besha si i chipota basho o nevobijando bebe tari Bitola, Rom, kova so mulo palo trin dive palo bijaniba. O jerije edvaj shajsargje te arakhen o nijami e obdukcijakoro. – Obdukcija rodingjum. Palo duj kurke palo o bijaniba vakergje mangje kaj sijum sine bijami prekal thagaribapaskoro chiniba, a me bijangujm sa shukar, sa ko nijami, a na chindi, khanchi, a ki obdukcija hramonela agaar.. thaj kaj o chavo sinele tikno pharipa, a o chavo sne 3.5 kilogramija, na chanava so ovela, vakerela i daj Ajten Jashar.

Hem ki avgo hem ki dujto chipota, i biradjakiri organizaicija ROMA SOS taro Prilep, bizolovengjere nijamutne arkaja, dela arka e jerilukongje, te shaj te aven dzi ko chachipa thaj dji ko nijamija.

Basho sa o asavke chipote kote so sebepi o nakeriba buti e sastipaskere sistemeskoro ko shukar chane, isi kurbanija Roma, akaja biradjakiri roganizacija rodela te zojrakerelpe o dzevapluko e saslarutnengoro thaj e rashtrakere instituciengoro. Taro ROMA SOS dena apel te chinavelpe i diskriminacija thaj i segregacija upral o Roma ki rashtra, kola so akerena kaj si dikhle sar dizutne taro dujto niche. Thaj odova sebepi O kurbanija Roma e sastipaskere sistemeskere, rodena nijami anglo Adalati.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha