O Ivanov bahtakerela o Mashkardzijaneskoro dive e Romengoro

Gjorge Ivanov by MIA 800

Telal ko sebepi o nishanikeriba e Mashkardzianeskoro dive e Romengoro, o prezidenti Gorge Ivanov bishalgja selaminkerina dzi ko sa o preperutne e Romane jekhinakere ki phuv.

– I Republika Makedonija, bershencar napalal, aktivno kerela buti ko poshukarkeriba e sakosaskere chipotakoro e Romengiri ko sfere e sasuitnikane dzivdipaskoro. Numa, o poshukarkeriba e polungo ekonomijakere thaj socijalno statuteskoro e Romengoro si bizogndipaskoro avrial taro edukacijakoro konteksti, dengja mesazi o Ivanov.

– O sekolediveskere dzandipna thaj rodarina sikavena kaj bash I edukacija sikavelape sar fundavno angledersharti basho halojbe e problemengoro taro jekajekvakteskoro dzivdipa. Trujal o angazmani e instituciengoro thaj potenciriba e zarurinakoro tari edukacija e dzenengoro kola so dzivdinena ko nabut bajrarde kotora ka angleder anelpe te oven poshukar thaj olengere shartija basho dzivdipa. Odoleske akharava te kera gajla thaj sekaske te da shajsarin te ovel kotor taro akava proceso. O realno integririba ko sasuitnipa e preperutnengoro taro dijek etnikane jekhina anglederanela thaj basho halojbe e isijbaskere angledershartengoro, vakerelape ki bahtarin e Ivanoveskiri.

– Bahtaribaja tumengje o bidjuko, mangava te davtumen ki pakiv kaj thaj poodori ka lav than ko sa o angledershartija basho jekhutne thaj posvetimaleste te nakhava sa o angledershartija. O poshukarkeriba e sakosaskere polozbakoro e Romengiri znachinela thaj angaziriba basho promoviriba e nadiskriminacijakoro prekal sajdiba o tradicionalno baripna thaj hor halojbe e kulturakere palunipengoro sa resarinaja mashkarpumaro halojbe, vakerela o prezidenti ki piri bahtarin.

You may also like...

Sorry - Comments are closed