O Guteres kergja Fondacija basho raselime Roma, Ashkalie, Egipjanija thaj Kosovarija

GUTERES

O Generalno sekretari e Pashkarde Naciengoro Antonio Guteres angja decizija te kerel fondacija koja so bi dela ikerin basho o jekhina sar so si Roma, Ashkalie, Egipjanija thaj Kosovarija thaj te obezbedinel te delpe lengje arka koja so si lengje zaruri, sikavena o havlariba taro Pashakerde Nacie.

– Isijbaja ko dikhiba o paplune prilike thaj shartija ko Kosovo, o generalno sekretari ko ON angja decizija te shaj sar jek paluno napi te kerel I Fondacija koja so ka ovel la khelen te kerel asistencija ko veke implementirime proektija, jemanglal ko Utarig thaj Mesmerig kotor e Mitrovicakoro thaj Leposavazi. Taro odoja fondacija hembut kulandipna ka ovel e jekhinen Roma, Ashkalije thaj Egipjanija, sikavelape ko havlariba sikavdo ko sajti e ON.

Sar so andinelape, o proekteskere asistencije ka kerenpe fokuseja ko hemzarureskere zarurina e hemratvarde jekhinengere, chijbaja akate sastipaskere usluge, ekonomijakoro bajrovipa thaj infrastruktura. O Antonio Guteres ko istono vakti dengja priznaiba bashi I buti e Konsileksere dejbaskere paneleske basho manushikane nijamija kova so kergja rodarin ko sikavina kote so si phagerde o manushikane nijamija tari rig e instituciengoro k oKosovo.

Ko havlariba phandelape kaj o Pashkarde Nacie ka dzan thaj poodori te shaj taro akala dzandipna so kerenape ko Kosovo thaj tari I buti e panelengiri te cidel pouka thaj te prelel konkretno akcie kola so shaj ko sig vakti te chinavde o asavke bashukar praktike upral o dzivdipa e minioritetengere sar so si Roma, Ashkalie thaj Egipjanija.

You may also like...

Sorry - Comments are closed