O gripija lena anglodzajbe…. Sar kamlape te arakhentumen olendar !!!

gripi

O divesa, o vakteskere temperature ki R.Makedonija but drom varirinena. Ako angleder duj dzi ko trin divesa, o vakti sine badalo thaj shudro dikhlo pobare brshimencar, o divesa o vakti si khamalo thaj dikhlo angledenilaeskere temperaturencar.

Bash ko vaktija kana o temperature varirinena isi hembaro shajdipa te ikljoven o nasvalipna taro turli gripija.

Veke o nichija ko saslarutne thaj ko farmacije si bare taro o Roma thaj javera kola so astarena rednine e gripeskere.

Hembut drom o nasvale gripestar dizutne e themakere, skoro taro sa o dizja, rovenape taro duk ko kokala, tinaniba e badaneskoro, uche temperature, thavdipa e nakheskoro, kashilibe thaj duk ko krlo.

Okola so veke si nasvale dzana ko saslarutne, numa amen avdive khedingjam konzilija taro nekozom pophure Roma, so kamlape te la sar anglederarakhibaskere napija te shaj mate astara o gripija kola so o chon lele baro anglodzajbe.

 

Te halpe tharo, mate besehlpe ko phanle thana pobuter dzenencar soj tane nasvale, te nashelpe taro voziba ko avtodusija, te lenpe disave lokhe medikamentija, akala si o konsilija e Romengere.

Okola so si popherde bershengere thaj poiskusna, vakerena kaj o hemshukar ilachi mujal o gripi si o hajbe pobuter natura thaj thare bukja sar so si: juva thaj piperi, pindzurija, sir thaj agaar naodori.

Shaj na but o terne ka lelakeren akala konsilija, numa o pophure Roma dena garancija kaj salde e hajbaja so pobuter thare bukja thaj jemishija, dela shajdipa o imuniteti ko amaro badani te ovel pobaro thaj te marelpe mujal sa o gripija thaj vizurija kola so mangjena te khuven ko amaro badani.

Akoda vakerena akala kherutne ilachija, o Roma spanda andinena kaj angleder te osetinen simptomija taro disavo gripeskoro nasvalipa ko vakti te javinenpe ko saslarutne, praktika koja so but hari kerenala o Roma.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha