O Germanijakoro fudbaleri Arne Fridrih prekal piri Fondacija kerela buti basho shukaripa e Sintengoro thaj Roma

FRIDRIH

O sojuzi e Sintengoro thaj Roma lela ikerin thaj taro pendjardo germanijakoro fudbalsko reprezentativco, Arne Fridrih. I Fonadicija koja so legarela oleskoro anav kerela zorija bashi integracija e chavengoro thaj terne kola so isilen migracijakoro avipa.

Basho Fridrih paluneste si inportantno te delpe ikerin e Sojuzeske, odoleske soske “taro rasizmo cidena angleder sa o chave e minioritetengere”. Bizi edukacija thaj jekhuitnipa thaj dejbe shajsariba akale chavengje, chivindor thaj e Romen, nane nisavo shajdipa te resen dzi ki integracija, dengja ko hango o pendjardo sportisti, kova so ko Berlni drabarga o akhariba e Sojuzeskoro ko pervazija jekhe manifestacijakoro e Gndimale bareskoro e mudarde Sintengoro thaj Roma ko vakti e nacionalizmoskoro.

E akharibaja o Sojuzi isile mangin te del ikerin palem ki debata trujal o paldiba e Romengoro ko agar vakerde sigurno phuvja avipaja. Ko odova, ko fokusi e paramisijakoro si o prajla Roma – o Kefaet thaj o Selami Prizrani. Olengoro jeriluko ko shuru e 1990 bersheskoro nashle taro Kosovo ki Germanija. O Kefait tegina sinele 4 bersha, a oleskoro pral o Selami si bijamo ki Germanija.

O solduj ola dzana sine ki gradinka thaj ki siklana ki Germaija. SAr hip hop muzicharija ko sig vakti ovena pendjarde thaj avrial taro simantre e Eseneskere. Ko 2010 bersh o prajla si irame ko Kosovo. Odothe, sar Germancija, nane lelakerde tari rig pire poanglutne amalendar thaj sodizutnendar.

O prajla Prizreni taro 2014 bersh si palem ki Germanija, a olengoro statusi sapanda nane ando decizijaja. Ko pismo dzi ko germanijakoro sasuitnipa o duj prajla hramonena piri paramis, a olengiri odiseja si raskazimi thaj ko dokumentarno filmi Treped by Law.

– Na mangaja sochustvo, mangaja priznaiba, dengja ko hango o Semali Prizreni. O duj prajla pire mesazeja tergjovena thaj avdive ki bina ko Berlin, ko khedipna kla so organizirinenape ko dive e Romengoro, 8to april.

O mesazi kova so si validno basho sa o minioritetija thaj kova so ko agor kamlape te resel dzi ko pobuterdzejnipa, prekal piri fondacija, takati delale o pendjardo germanijakoro fudbaleskoro reprezentativco, Arne Fridrih.

You may also like...

Sorry - Comments are closed