O fundavno siklane ki komuna Shuto Orizari shurakergje e hramovibaja e avgo siklen ki peste

BRAKA RAMIZ I HAMID

Daja informacija dzi ko sa o jerije tari komuna Shuto Orizari kolengjere so chave si ko baripe te oven hramome o bersh ko avgo klasi kaj, shurakergje o hramovina basho o avga sikle ko fundavno siklane. Jekajek e kanuneja bashi fundavno edukacija, o chave kola so dzi ko agor tari kalendarsko 2017 bersh ka pheren 6 bersha musaj te oven hramome ko fundavno siklane.

I fundavno siklana Prajla Ramiz thaj Hamid thaj I Fundavno siklana 26to Juli veke si ko thavdipa e hramovinencar e avgo siklengoro, a veke I strukakiri sluzba thaj o sikavne bishalena thaj akharina prekal pokane dzi ko jerije te shaj te hramonen pire chaven ko avgo klasi.

Daja informacija dzi ko sa o jerije kaj zarureskere dokumentija basho hramovina si: Izvod taro matichno lil e bijamengoro fotokopija, medicinakiri zojrakerin bashi nichali vakcinacija thaj zojrakerin basho nichalo stomatologijakoro dikhlariba. O jerije kamlape te den thaj pire lichna karte.

Ki fundavno siklana Prajla Ramiz thaj Hamid, o hramovina kerenape ki biblioteka ko nevo kotor tari F.S. “Prajla Ramiz thaj Hamid”.

You may also like...

Sorry - Comments are closed