O DSR irati ikergje piro 7to avrial taro nicheskoro kongreso: Tari funkcija prezidenti ko DSR ikalgje e Shaban Salui, ko leskoro than o Sejfo Kadri

СЕФО

Irati ko restorani Pariz ki komuna Shuto Orizari, shurakeribaja taro 18 o ari, o pobaro kotor taro partijakere funkcionerija, simpatizerija thaj chlenija tari Romani partija DSR, khedingjepe thaj ikergje o 7to avrial taro nicheskoro kongreso e partijakoro.

I resarin te ikerelpe akava 7to kongreso sine o lungo vakteskere nashukar halovina mashkar o pobaro kotor taro partijakere uche dzene e prezidenteja e partijakoro Shaban Saliu.

Sar so vakerela o potesno krugo e partijakoro, kova so odova thaj sasuitnikane sikavgjele angleder napherdo chon ki piri pres konferencija, ola nane chale taro odova sar kerela piri prezidenteskiri funkcija o Shaban Saliu ki partija DSR.

Taro zakanae dzi ko chlenija e partijakere kaj ka ikljon taro bukjarne thana, dzi ko familijarno bukjardarnipa thaj privatizacija e partijakiri, andingje o dzene kaj kergja o Shaban Saliu ko iratutno kongreso.

Ko kongreso angjepe tranpe ko pobuter legaribaskere thana ki partija, a sar heminportantna sine o tranpe ko generalno sekretari e partijakoro thaj o prezidenti.

Ko than prezidenti e Partijakoro DSR, irati o partijakoro pobuterdzejnipa, o dzene spipatizerija thaj amala, angje decizija te ovel o dzi iratutno Generalno Sekretari e Partijakoro DSR, o Rajo Sejfo Kadri.

Dejbaja lafi kaj nane te phirel palo pire e dzi iratutne prezidenteskoro, dengja lafi kaj ka kerel sa o zorija I partija DSR te iranel la e dzijaneske, a na sar so dzi irati sine I partija e Shabaneskiri thaj leskere jerilukoskiri.

You may also like...

Sorry - Comments are closed