O Drom ‘’Makedonijakiri kosovsko brigada’’ ko Shuto Orizari si prepherdo rupencar

SUTKA ULICI

Spremal o lafija e dizutnengjre Roma thaj Albancija kola so dzivdinena ko drom “Makedonijakiri kosovsko brigada” ki kupatni Shuto Orizari nashti te arakhelpe ni jek asfaltirimo kotor. O sasto drom si ko chika, vakertuke ko sekova epash metro dikhenape pravde rupe pherde pajneja, kola so sakana si sar chiro ko normalno legariba e trafikoskoro. O dizutne Roma thaj Albancija kola so dzivdinena ko akava drom si revoltirime thaj vakerena kaj asavke droma nane ni ki dzungla.

– O droma, sar so shaj korkori te dihen, na ovena. Sakosa si ko rupe. Kamlape dijek dzeno te del amen arka, te chiven nevo asfalti te shaj poshukar te funkcionirina, vakerena o dizutne.

– Sa rte phira trujal akava naleti drom. Tumen korkori dikhena, nane so amen te vakera. Dikhen hari poodiri, dikhen. Na davaman ki gnd kana khoni kergja buti upral o lachariba akale dromeskoro. So shaj sine amen korkori kergjamle amenge… phiren trujal o drom thaj dikhen sar kerena buti amare vrdona, sa o amortizerija si rumime. Akate kori amende isi baro problemi. Salde kana isilen piro interes avena thaj palo odova dzana, olengere muja nashti pobuter veke te dikha, vakerena o revolitirime dizutne.

– Katastrofa, ni ki dzungla akava nane. Ako phireja trujal o drom, ka arakhe salde rupe. O devel te del amen arka.. ni ko gava ni ki dzungla nane akava. A o drom si lungo salde 300 metre, khoni na avela te kerel le.

Sar so me sijum akate, khanchi nane kerdo, a veke sijum 12 besha. Sa si ko chika, o chave nashti te nakhen. Duj kurke i kanalizacija sine phanli, korkori pukingum o bageri te shaj te raskosel i kanalizacija, sine zijanikerdi i cevka thaj tranpuingjumla, sa korkori pukingjum, vakerena o anketirime dizutne.

Ola vakerena kaj si mukle ko bisteriba tari rig e Komunakiri, vakerena kaj o dizjakorosherutno ki akaja komuna khanchi na kergja basho akava drom e Shutkakoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha