O dizutne tari Chachaneskiri kupatni na mangjena te kerenpe zgrade basho raselime Roma ko olengoro pashipe, rodena referendum

ЧАЧАК

O dizutne tari chachaneskiri kupatni Koshutnjak bishalgje peticija dzi ki lokalno legarin kola so olendar rodingje re rashramovinelpe referendumi, koleste so bi o dizutne odole kotoreskoro tadi diz ka izjasninnpe dali si ko jek hango te shaj ki olengiri kupatni te kerelpe zgrada basho o raselime Roma kola so ko dakikija dzivdinena ko Sajmishte thaj ko Trnovskoj drom.

Ola vakerena kaj nanelen khanchi mujal I Romani preperin, numa esapinkerena kaj olengiri zgrad kamlape te kerelpe ki jek parcela koja so shaj te kulandinelpe basho proekteskere zarurina basho sporteskere socijalno ikrerina jali keriba sporteskoro teren, igralishtija basho chave thaj javera ikerina.

O dizutne e kupatnakere Mladost ko Koshutnjak andinena thaj kaj o isijbaskoro kapaciteti ki fekalno kanalizacija nane nichalo ni basho o momentalno numero taro dizutne, thaj odovada sebepi but drom avelape dzi ko ikljoviba e kanalizacijakoro thaj intervencija taro nadlezno ekipe ko teren.

I peticija basho keriba e referendumeskoro vashramovingjela 340 taro 1600 dizutne nijameja basho hango. Te shaj o nadlezna te len ko anglederdikhiba I peticija oj kamlape te ovel vashramovimi taro hemhari 10% taro o dizutne kola so isilen nijami basho hango.

– Ka maraamen sa e nijamutne shajsarinencar te shaj ma te avel dzi keriba e zgradakoro basho raselime Roma. Angaziringjam advokati, a dzi kaj sijam hazrlije te dza, ka dikha. Ako na denaamen referendumi, ka roda o avutne nijamija so isiamenlen ko shjjasariba jekajek e kanunencar. Na mangaja te kerelpe na salde I zgrada basho Roma, nego bilo savo javer khereskoro objekti ko akava than, odoleske soske akava than nashti pobuter te priminel kolektivno numero taro stanovnikija – andinena o bichale dizutne tari kupatni Koshutnjak.

You may also like...

Sorry - Comments are closed