O Dimitriev bishalgja bahtarin telal ko sebepi o Mashkardzianeskoro dive e Romengoro

EMIL

O prezidenti e Radjakoro, Emil Dimitriev bishalgja bahtarina dzi ko preperutne e Romane etnikane jekhinakere ki R.Makedonija telal ko sebepi 8to apri – Mashkardzijaneskoro dive e Romengoro.

– Akale bersheskiri proslava si I 11to proslava e nacionalno bidjukoskoro e Romengoro ki R.Makedonija, so jasno kerela lafi basho thavdipa thaj sajdipa kova so I R.Makedonija arakhelala dzi ki tumari jekhin. Odova jasno sikavelape prekal nishanikeriba akale bidjukoskoro, numa thaj prekal jek kupa javera napija thaj validna proektija ko but kotora kola so si taro inportantnost basho vazdiba e kvaliteteskoro e dzvdipaskoro ko Romane thana, vakerelape ki bahtarin.

– O bersh kova so tergjovela pali amende, sikavelape ki bahtarin, sikavelape sar bersh kote so gelo poodori o radjakoro posvetimaliba ko kotor e edukacijakoro, kultura, ikrin e Romane biradjakere organizaciengje thaj centrija bashi medijacija, iekrin basho bukjardarnipa thaj sajdiba e sopstveno bizniseskoro, ikerin basho vazdiba e gndipaskoro basho keriba gajla basho piro sastipa, basho o nijamija thaj o shajsariba ko kotor e socijalno politikakoro, nijamija, kultura thaj panda but javera kotora kola so si inportantna e Romengje.

– Ubedimo sijum kaj I asavki ikerin ka dzal thaj poodori thaj ko avutnipa sar bimukibaskoro kotor taro keriba gajla e R.Makedonijakoro thaj sar lungokeriba e koncepteskoro e sajdibaskoro sa e jekhinengoro ki rashtra thaj ikeriba o stabiliteti thaj ikeribaskoro multuetnikano sasuitnipa. Bahtaribaja tumengje o bidjuko, mangava tumengje shukar bidjukoskere divesa, but baht thaj gili ko Tumare khera, but sastipa thaj mangipa ko Tumare jerilukija thaj panda but lungo bersha te slavinen o 8to April – Mashkardzijaneskoro dive e Romengoro! Tergjovela ki bahtarin.

You may also like...

Sorry - Comments are closed