O bilovengere dikhlarina ko ginekologija si ko dumo e ginekologengoro !!!

GINEKOLOZI

O amalipa e privatno ginekologongoro alarmirinena kaj o proekti bizolovengere dikhlarina e khamne romnengjere si na dzi ko agor kerdo buti thaj kaj ki praktika o matichno ginekologija phareste shaj te kerenle, a kova so napi si hembut kulandibaskoro basho o Romane dzuvlja, dzanindor ki savi ekonomijakiri chipota arakhlovena. Ola vakerena kaj administrativno nane regulirimo sar ka dikhlarelpe o khamnipe e dzuvljakoro so nanela sastipaskoro osiguriteti, a ko nekola, spremal o proekti e Ministeriumeskoro basho sastipa, isto agaar, ka kamlape bizolove te dikharelpe olengoro khamnipa.

– Amen daja ikerin e proekteske e Ministeriumeskoro basho sastipa thaj hazri sijam te phejrarale, numa nekola bukja nane definirime. O biosigurime dzuvlja na arakhlovena nikote ko sistemi, nanelen kartoni. Amen olen nashti te dalen upat ni basho obichno labaratorijakere brisija. Jekajek e protokolencar thaj spremal o thavdipa e khramnipaskoro, kamlape te bishalalen thaj ko javerada dijagnostikane procedure, so ko momenti nashti te keralen amen, bash sebepi akala administrativno bi haljovde bukja, vakerena taro Amalipa e privatno ginekologengoro. Jekajek e protokolencar basho bezbedno dajipe, sekoja khamni romni, chivindor thaj e Romane dzuvljen, ko thavdipa e khamnipaskoro kamlape te keren taro 7 dzi ko 10 vizite ko ginekologo, zavisno dali angleder isilen bijamo chavo jali si avgo bijanibaskere daja.

– E ministeriumeja phanlam amare lafija basho o biosigurime dzuvlja ten a pukinen po 3000 denarija basho 4 dikhlarina, numa sebepi o bihaljovde chipote, akale khamne romnen amen bishalajalen ko ginekologijakere hospitalija thaj klinike kote so, isto agaar, kerelape o proekti basho bilovengoro dikhlariba e khamnipaskoor, odoleske soske nane moldija pali kolate amen bi fakturirinaja o dijagnostikane thaj o terapijakere postapke, vakerena taro Amalipa e privatno ginekologengoro.

O ministeriumi basho sastipa vakerela kaj sukcesivno kerelape o napi basho bilovengoro ginekoloshko, mikrobiologijakoro thaj biohemijakoro dikhlariba basho o khamne romnja, chijbaja thaj olengoro bijaniba, napi kova so shaj te kulandinenle thaj o Romane khamne dzuvlja. Basho o khamne dzuvlja kola so isilen sastipaskoro osiguriteti, o dikhlarina ko matichno saslarutne thaj ko matichno ginekolozija si bilovengere thaj bizi participacija, a baso o dzuvlja kola so nanelen sastipaskoro osiguriteti o usluge ko matichno ginekologija ka pukinel len o Ministeriumi basho sastipa, ko pherdo legariba e moldijakoro bashi usluga, spremal o moldije e Fondeskere basho sastipaskoro osiguriteti.
– Ko vakti si dende haberi sa o sastipaskere khera, thaj ako isi pojekhutne chipote kola so na sajdinena o naip, ola ko sig vakti halovenape, vakerena taro Ministeriumi basho sastipa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha