O avgo bijamo bebe ko Shtip si djuvli Romane avipaja

BEBE SHTIP

O dizjakorosherutno ko Shtip, o Ilcho Zahariev tradicionalno vizitkergja e avgo bijame bebe basho akava bevo bersh.

Ko avgo trin dive taro o nevo bersh ko Shtip bijandile 5 bebija, a o avgo bijamo bebe ko bevo bersh sine chaj koja so si Romane avipaja.

– Palo o Nevo bersh alam ko klinikakoro hospitali te vizitkera e avgo bijame bebe. Te andinav kaj o avgo bijamo bebe si amengje taro Romano nacionaliteti thaj si eftato ko niche pire jerijenge.

Mangljam tikne pursakoncar te sikava kaj keraja gajla basho o nataliteti ki rashtra. Shukar si so o personali akate kerela gajla te shaj o daja so bijanena te ovel len but shukar shartija, vakergja o Zahariev.

I Romani daj e avgo bijame Romane bebeskoro ko 2016 bersh si i Rukija Alionska a o bebe ka akharelpe Balerija. Oj ljelja shparibaskiri knishka 10 mile denarencar kola so tradicioanlno delala i Komercialno banka ko Stup koja so isto agaar si donatori thaj basho chavorikane khelibaskere bukja.

Ianku, akava Romano jeriluko hasargja piro kher ko nabutnakhle vakteskoro pozar, numa i daj si zorali thaj vakerela kaj si bahtali so isila efta chave, sa chaja thaj jek mursh.

O dizjakorosherutno thaj basho o javera daja dengja paketija basho o hemterne. Ko 2015 bersh sine 947 bijaniba kolendar so baro numero taro o dija si dija trine chavengere.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha