O Amerikancija thaj o Roma taro Leskovac kergje sporteskere terenija basho o Roma ki kupatni Salvko Zlatanovik

TEREN

Sar so angleder nekozom 10 divesa sine havlardno ko Romano kotor tari kupatni “Slavko Zlatanovik” ko Leskovac sine pravdo sporteskoro tereni basho tikno fudbali, kosharka, rakomet thaj atletika.

O keriba akale tereneskoro sine kerdo upral I phuv tari Protenstansko evangelistengiri khangiri “Romani jekhin” taro Leskovac koja so ko jek si thaj investitori barabar e khangerinencar tari Amerika thaj Shvajcarija.

Ko phandipe odole phuvjaja planirinelape thaj keriba Sastipaskiri thaj stomatoloshko ambulanta, Kher basho keriba gajla e chavengje, dzijaneskiri kujna sar thaj parko zeleno thanencar.

O baripe e sakosaskere investicijakoro basho keriba akale sporteskere terenengoro si ko baripe taro 19 mile evroja.

Akava si jek taro o hembare divesa bashi sarinengje amengje, paluneste bashi I Romani jekhin, akana keraja sporteskere terenija, a ko sig vakti ka kera thaj pobutershajasrinengjere centrija bashi I khangirinakiri zgrada kote so I Romani jekhin ka educirinelpe ko shukar sesi, vakergja o pastori Serif Bakich.

– I Romani khangirin irangjape dzi ki lokalno legarin ki paluni faza taro keriba e tereneskoro, koga veke o teren sine kerdo thaj amen ko but tikno vakti chivgjam o klupe basho beshiba a pakjava thaj kaj ka ikljova tari arka e Romengje ko chijbe lengje roshalipaskere badanija ko thavdipa e avutne bersheskoro, vakergja I Ana Jovanovich, arkakiri dizjakirisherutni ko Leskovac.

Ko prajbe e tereneskoro lele than but zainteresirime dizutne taro sa o trin kupatna ki Diz kola so seljaminkergje o asavke pire e Romane khangirinakere a hembahtale sine o chave thaj o terne kola so hembut ka kulandinen akala terenija.

You may also like...

Sorry - Comments are closed