O amalipa ,,Romani Asvi,, taro Prilep ka promovirinel o efektija tari Dekada e Romengiri

ROMSKA SOLZA

O amalipa – Asocijacija bashi naformalno edukacija e Romengiri ANER “Romani Asvi” taro Prilep finansisko arkaja taro Ministeriumi basho trud thaj socijalno politika thaj o Romano edukativno fondi tari Budimpeshta ka phejrarel o Proekti anavkerdo sar “Inkluzija e chavengiri Roma ko sasuitnikane angledersikljovnakere ustanove (chavorikane gradinke)”.

I resarin e Asocijalcijakoro bashi naformalno edukacija e Romengiri ANER “Romani Asvi” taro Prilep si te shaj te phejrarenpe kotor taro o niapija thaj o aktivitetija kola so sar shukaripa ikljovena tari Dekada thaj tari Strategija e Romengiri ki R.Makedonija, kolakoro so kooordinatori si o sajdimalo Ministeri ki Radja e R.Makedonijakiri, o Rajo Nezdet Mustafa.

Jek taro o aktivitetija e proekteskoro si te ulavelpe jek rigakiri arka basho o chave kola so dzana ki angledersikljovnakiri ustanova. Bashi odoja resarin o ANER “Romani Asvi” ko dive 02.02.2016 bersh shurakeribaja taro 10 o ari javinakoro, ko thana e Chavorikane Gradinkakere “Amaro Avutnipa” koja so si locirimi ki kupatni Trizla, than kote so dzivdinena o Roma, ko pashipe e Fundavno Sikljovnakoro “Dobre Jovanoski” kergja aktiviteti kote so ulavgja chavorikane trenerke basho odola chavore Roma kola so dzana ko Prilepeskere gradinke.

Odova so ikljovela sar shukaripa taro keriba e Romane Dekadakoro thaj Strategijakoro, kolakoro so koordinatori si o Rajo Nezdet Mustafa, si so o Romane chave taro Prilep thaj taro sa o javera dizja, dzana ko angledersikljovnakere ustanove, kote so olengoro lejbe than ko odola ustanove si sakosa pukimo tari rig e Dekadakoro, t.e. ola dzana bizo love ko odola gradinke.

Dujto shukaripa si so o Romane vospituvachke, o bersh savo so nakhla lele sarine sakanaskoro halojbe basho keriba buti ko odola gradninke.

I organizacija Romani Asvi salde sikavgja kozom si bare sa akala aktivitetija thaj inportantno bashi i chavorengiri edukacija, odoleja so ulavgja lengje akaja jek rigakiri finansisko arka, koja so isto agar si finansirimi prekal i Dekada e Romengiri, kolakoro so koordinatori si o Rajo Nezdet Mustafa, t.e. prekal ko Ministeriumi basho trud thaj socijalno politika.

Ki akaja chipota e Romengje sine promofirime sa akala upre andime efektija kola so ikljovena tari i Dekada e Romengiri.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha