O adalati ko Montenegro adalatkergja nekozome shverceren manushengere sebepi o meriba 35 Romengoro ko 1999 bersh

CRNOGORSKI SUD

O montenegroskoro adalati adalatkergja nekozome shverceren manushengere sebepi o meriba 35 Romengoro ko 1999 bersh.

O Roma, kola so nashena sine taro mariba ko Kosovo, sine uklarde ko brodi, kova so preirangjape ko pajna tari montenegroskiri diz Budba.

Odova sebepi, o Montenegroskoro adalati angja adalateskiri decizija te shaj 4 taro o shvercerija mansuhengjere sebepi o meriba 35 Romengoro ko pajba tari Monntenegorskiri diz Budba ki olengiri mangin te transportirinenlen ki Italija ko 1999 bersh te len phagerdipaskiri postaka, dena haberi o odorigaskere mediumija.

O Roma, kola so nashena sine taro mariba ko Kosovo, sine uklarde ko jek brodi, thaj sebepi o pharipa thaj prepheriba e brodoskoro kova so mangla te ingarel akale Romen prekal shverc ki Italija, o brodi prepiragnjape ko pajba e montenegroskere dizjakere Budva ko thaj ekvash taro o Roma so sine ko brodi, 35 ko numero, hasargje piro dzivdipa.

Jek taro o doshalkerde si adalatkerdo adalateskere dezicijaja ko 8 bersha phanlipa, a javera duj lele po 6 bersh. O 4to doshalkerdo, kova so si ko nashiba, sine adalatkerdo ko oleskoro nalejbe than, a javera duj si mukle ko rahati taro o iftirie upral olende, sebepi o nanipa nichale siakvina.

Ekvash taro vakertuke 70 Roma ko chamco, kova so chamco si registririmo basho salde 6 patnikija, sar thaj duj dzene taro ekipazi mule ko akava incidenti.

You may also like...

Sorry - Comments are closed