NVO SUMNAL: Pravde dive e proekteskere “Lokalno integracija e nashutnengiri, andrune raselime dzene thaj minioritetengere kupe”

SUMNAL

I B.O. Sumnal tari Bitola avdive ko pire thana organizirinela Pravdo divesa ko pervazija e proekteskoro “Lokalno integracija e nashutnengiri, andrune raselime dzene thaj minioritetengere kupe” kote so perena thaj o Roma, dendo ikerin tari Evropakiri Unija shajsarinaja basho dikhina e instituciengere e lokalno dizuitnipaja.

O proekti “Lokalno integracija e bashutnengiri, andrune raselime dzene thaj minioritetengere kupe” mashkar o javer, isile bashi resarin te zojrakerel o kapacitetija e rashtrakere administracijakere ko nacionalno nivelo thaj ko loklano nivelo ko komune Berovo, Bitola, Vinica, Gostivar, Delchevo, Kochani, Kumanovo, Prilep, Tetovo, Chair, Shtip thaj Shuto Orizari basho poshukcesivno ikerin e lokalno procesengje e integracijakere thaj inkluzija e Romengiri, Roman nashutne thaj anrune raselime dzene.

Sar so sikavena o organizatorija, ko pervazija e chipotakere sa e Romane preperutnengje ka ovel lengje shajsardo direktno kontakti, te puchen basho nekola pire problemija jali palem te roden konsili taro sikavutne e instituciengere.

Ko akala dikhina trujal o sikavutne e komunengjere, o Koordinatori thaj o dzene e Lokalno koordinativno badaneskere, sikavutne taro Ministeriumi basho trud thaj socijalno politika thaj EPTISA pire sikavutne ka ovel len: O Ombudcmani, o Centro basho socijalno bukja, o Centro basho bukjardarnipa, I Agencija basho katatar e biphiribaskiri, o MTSP, o Sektori bashi socijalno arakhi, o Kotor bashi implementacija e Strategijakoro e Romengiri thaj romani dekada, o OBSE, sikavutne taro EU thaj NGO kotor e Bitolakere kola so kerena buti e Romane jekhinaja.

– Pakjaja kaj akaja dikhin si jek baro piro naanglal ko procesi e anibaskoro e pakinakoro, phagerdiba e stereotipengoro thaj phejrariba e zagarantirime nijamengoro sa e dizutnejgere ki R.Makedonija, tergjovela ko havlariba.

You may also like...

Sorry - Comments are closed