NISH: Kerdi si bukjarni kupa koja so ka kerel o Lokalno Akciono Planija basho o Roma taro Nish

nis

Palo jek bersh dive lafikerina i diz Nish angja halojbe te kerel o bukjarne kupe kola so ka hazrkeren o Lokalno Akciono Planija basho phejrariba e Strategijakoro basho anglutkeriba e dzivdipaskere chipotakoro thaj statuteskoro ko Roma thaj Romajna ki RS 2016-2025 bersh.

I B.O. produkcija Roma World angleder jek bersh barabar e javere Romane B.O. sektorencar taro Nish sar thaj o Konsili basho manushikane thaj minioritetengere nijamija shurakergje akala lafikeriba basho te kerenpe akala bukjarne kupe.

Akaja inicijativa koja i B.O. produkacija Roma World iniciringjala si esapi taro proekti anavkerdo sar “Dikhiba taro miro kotor” thaj o proekti “Roma thaj Strategija basho socijalno lejbe than e romengoro thaj Romajna ki RS 2016-2025 bersh” kola so si dende ikerin e lovencar tari Radja e R.Srbijakoro t.e. tari Kancelarija basho manushikane thaj minioritetengere nijamija.

-Ki akaja prilika mangaja te sikava ko odova kaj o vaslegariba e dizjakoro Nish sinelen halojbe basho te halovenpe o problemija e Romane jekhinakere, thaj iskreno akana adziekraja kj akaja mashkarrbutikerin ka dzal te kerelpe thaj palo o alosarina thaj kaj i Romani jekhin ko Nish but sigate ka lel o LAP kova so ka ovel le piri khelin basho poshukarkeriba e dzivdipaskoro e Romane ekhinakoro ko kotor e edukacijakoro, domuiba, bukjardarnipa, sastipa thaj socijalno arakhin, vakerena taro B.O.

– Pakjaja kaj o Lokalno Akciono Planija delimichno ka oven finansirime taro budjeti e dizjakoro Nish, dzikote o javera love basho phejrariba e aktivitetengoro ka oven finansirime taro javer avin.

-Panda jek drom ko anav e probukcijakoro Roma World shukrakeravaman basho sa o OCD kola so lele than ko lafikeriba basho keriba o bukjarne kupe, odoleske soske akava si amaro jekhutno sukcesi sarinengoro taro civilno sektorija, vakerena tari B.O.

– Pakjaja kaj thaj poodori e OCDencar ka dza thaj poodori te kera buti ko hazrkeriba e LAPengoro thaj kaj so posigate ka lelakera akava strategijakoro dokumenti bashi i Romani jekhin, vakerena tari Roma World B.O.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha