Nevo kher ki komuna Shuto Orizari astardo tari bari jag, o Roma akharena ko sig aniba mujaljagakiri ekipa ki komuna !!!

ПОЖАР

Bari jag ko 4 o ari javinakoro avdive thargja sakosa o dujto sprati e khereskoro tari jek Romani familija koja so dzivdinela ko Drom Indira Gandi numero 42, ki komuna Shuto Orizari.

Sa shurakergja dzikana o Romano jeriluko sovena sine, thaj ko jek dakiko o chavo e khereskoro ushtilo taro sojbe thaj sinele osetimo jek khan taro tharo diso. Ko sig vakti ushtargja pire pashutnen taro kher, iklile avrial, thaj odova sine sa so shaj sine te keren, odoleske soske veke I jag shurakergja ko but baro jalmi te thablol.

Bashi baht, nashle si manushikane kurbanija thaj sa o dzene e Romane jeriluoskere si ki shukar sastiapskiri chipota, sem o domakini e khereskoro, kova so arakhlape potikne badaneskere ratvarinencar, sar so ki mangin te achavel I jag pajnencar pelo taro basamakija thaj arakhlape ratvarinencar ko kotor e kichmakoro.

Ola rovenape kaj I mujaljagakiri ekipa resla duri 30 dakikija pogechi taro o vakti kana sine akharde te intervenirinen, thaj kana resle, vakerena o Roma, veke o sasto dujto kotor taro kher sine astardo jagaja.

Vakerena kaj ako resenasine ko vakti, barem ka shaj te denpe sine arka nekozom odaje, a na sa ola te thablon thaj te kerelpe baro materialno zijani, kova so avdive o komshije, amala, jerije ale te ikalenle taro o tharo kher.
I dzanramerija thaj o ekipe basho veshtachiba e chipotakoro basho odova sostar astardili I jag, hembut sumningjepe but kaj I jag shurakergja te astargjovel taro jek fridizeri kova so arakhlovela sine ko kher e Romengoro, numa palo odova konstatiringje kaj kerelape lafi bashi iklimi jag sebepi o nashukar chistimo hodzako e khereskoro kote so tharelape sine jag.

I jag thargja sa so sine akale Romane jerilukoske thaj, shaj te vakeelpe kaj hembaro bahtalipa ki akaja sasti bibaht si so sar avgo nane kurbanija manushikane, a sar dujto so o vaktija pohari ama sigurno pravgjona thaj na astargjalen akava pozar ko shudre evendaskere vaktija.

O jeriluko dela akhariba koja sar so isile merako, humano manusha, biradjakere organizacije, Romane funkcionerija, Rashtrakere institucie thaj sarine, te donirinen po disavow strestvo te shaj te kerelpe olengoro kher.

– O kher ka avel, ako na o bersh dzi bershe, ake mo teluno kotor taro kher si sasto thaj shaj odothe te dzivdinav, numa me sijum but shukrakerdo e Devleske so mire hemmangle sarine si saste, veste tha dzivde, vakerela o domakini e khereskoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha